رواية ديسباسيتو

الفصل الثاني

#4ديسباسيتو❤

#خياليه100%?

كنت بتثائب ونعسسسانه نعس موبالغه.. عمتو أماني جاتني وقالت لي ارح العشاء .رفضته من البدايه لانو عايزة انوم.. اتضطريت اوافق لانها أصرررت علي ..

قعدنا في السفرة انا وابوي وعمتو ..معانا بتها انصاف و واولادها الثلاثة ..وابوهم ..

اماني : دا عمك أمير ..( عمو أمير راجل من شكلو كده ممكن تقولو الأبوة تمشي على قدمين..طول وقوام و غير كده ..هيبه و وقآر عجيبات ملامحو جذابه ..لونو قمحي وعمرو آواخر الخمسينات كده )

وقالت : وديل اخوانك يا بتي..أشرف ولدي الكبير ( اشرف كان اخدراني ..طويل ..وسييييم وحلات الدنيا عليهو..عمرو 27 سنه..)

وتاني قالت : دا أمجد سيد الكلب..وكلهم ضحكو..طبعاً اتغظته منو غيظة الجن !!

) امجد من شكلو كده ولد نابغه..طويل و نحيف..بشبه اختو انصاف بس حلبي..قلته نابغه لانو لابس النضارة البقولو عليها (تاب) ولة (آي باد م عارفه ).الموهم..امجد ممتحن تالت علمي شايل هندسيه ..عمرو 17 )

وآخر العنقود حمودي ( حمودي لذيذ ياخ..دا القال : ماتت يا اوومي ؟) بقرا ف اولى اساس.عمرو 6سنه . حلاتو والله )

من شكلهم كده عائله مترابطه..حلوين شدييد والله..وغير كده..كلهم حرفهم واحد !! ودي أحلى حاجه ياخ !!

❤❤❤

طول العشاء كانو بتونسو وبضحكو..ابوي كان فرحان وبضحك .طبعاً ما اتعرفته عليهوو..

بس عرفته انو ابوي زاتو فاقد الجو الأسري دا !!

كنت سرحانه وقطع سرحاني عمو امير : وانتي يا ترتيل حتنزلي متين الجامعه ؟

قلت ليهو بصوت وااطي : بكرة ان شاء الله..وعاينت لي ابوي عشان اشوف رأيو

هو زاتو قال: اي ..لانو حأسافر بعد بكرة..

عمو أمير : يا زول استهدى بالله..انت متين جيت كمان !! اقعد لف البلد شويه

ابوي : والله بتمنى ..بس عندي مشاغل واقفه لي في برزخ الحلق ( المصطلح دا ابوي سرقو من نوال استاذة الاحياء هههععع )

آماني : الشغل حيطير هو ؟؟ اقعد عليك الله بالمرة أجهز ليك من حاجات الخريف تشيلا للعيال

ابوي : والله بكلم المدير ..لو وافق نقول خير

#**رة

ع فكرة..ابوي شغال استاذ ثانوي..مدرسة بنين وكده ..بدرس فيزياء لكن وضعو المالي فوق الوسط بقليل وأدنى من الممتاز بكثير ..)

بعد العشاء طلعت مشيت غسلت يدي..

بحلقت في الحوش وكان مبالغه ..عندهم حمامات خارجيه جمب الباب..

وفي قطيه .. كانت مضلمه ومقفوله ما شوفته جواها عامل كيف ..وياهو.مغسله جمب الحمام اتوضيت فيها..

جيت دخلته جوه..

يلا عندهم صاله شكل (L)

فاتحين فيها الغرف..

و فيها غرفة الجلوس

بيتهم حلو وبسييييط ومن تدخلو حتحس بالآمان والجو الأسري المترابط...انا لغاية بدا يجيني احساس عدم الغربه

...

عمو آمير وابوي وعمتو أماني قعدو يتحاججو كداااااا

ابوي اقنعهم في النهايه غايتو..ابوي دا عنييد ما تشوفوهو كدا

????

الساعه 11:34م يا داب حتى رقدنا عشان ننوم ..

طبعآ ج*س ونسه !!" انسو بس ..

يلا ي داب اتذكرت انو عندي تلفون زنقه زنقه وانو مقفول في غياهب الظلمات..اقصد شنطتي

طلعتو ولقيت #دوخشششششمية مكالمه من ميرو حبيبتي..ومن اخوها هشام زفت الطين..

عندي (كوريت )اريبا عمرو جنيهين سنه طلعتو وكشطتو ..

نزلته حاجاتي واستنيت الرساله تجي

انصاف : طبعا الا تستني 12 تجي عشان تعملي الخدمه

قلت ليها : لييي ؟؟؟؟

عشان تستفيدي من المقبايت ..

طبعآ الضحك شرطني..قلت ليها وانا رافعه زنقتي : مقبايت مين والناس حايمين هعععع عايذه اسلم لي صحبتي وخلاص

انصاف استغربت من تلفوني بس سكتت

???

رنه الجرس الأول..ماف رد ..التاني ماف رد ..التالت عايز يرن بس اميرة حلفت عليهو قسم وردت بي صوت عالي تغشعر له الأبدان : انتييييي يا وسخه ي داااب اتذكرتي انو في هبله هنا لازم تتصلي عليها واا تطمنينها !!!

قلت ليها : ميييييييييرو بصوت حنيييييين كده سكتت مسسااافه كده

وقالت : يخرب بيتك بتعرفي تمتصي الغضب ..ياخ مششششششتاقه ليك ياخ !!!!

وانا كمان يا حياتي ..والله تلفوني طشششه وانشغلته شويه ..اعفي لي ..

ميرو : هو انا بقدر ازعل مننننك بس ؟؟ بحبك وربي

???

قعدنا نرغي ونرغي ونرغي..انصاف تعاين لي مرة ..وتضحك مرتين ...وتقرا تلاته مرات..

في نص الكلام قلت ليها : ما وريتك اخوك زفت الطين جاب لي شنووو الليله الصباح وانا في البص "!!! ..

ميرو : جاب ليك سنوووو❤❤❤

ضب !! يا اميرة ضب !! اخوك عديم الهارت هدا لي ضب !!

ميرو قعدت تضحك وتضحااااك ..عاوزه تقول حاجه بس الخط فصل..

عاينت في الشاشه لقيتها 12:5 دقايق ..

ااخ ي دنيااا..

انصاف وبي باقي ( ضوحيكات) في ثغرها : انتهت ؟

هزيت راسي بمعني اي

طوالي ابتسمت ابتسامة وردية فاقع لونهاا ورفعت تلفونها وطبزتو تمام..مدتو لي : هاك انا عملته خدمته..

طبعا حبيييييتها ياخ..

اتصلته علي اميرا اتونسنا زي نص ساعه كده..وقفلته منها ..

بعدها نومته وم حسيت بي حاجه ..

???

الصباح صفصف صحتني ( اي صفصف انتو مالكم موش بت عمتي ؟؟ )

ترتيل اصحي ..خالو الطيب قال اجهزي عشان تمشو الجامعه ..

قومت بي تثاقل وقلت ليها : الساعه كم لكن !!!

قالت لي 6:34ص ..

قومت بسرعه و مشيت الحمام ..الواطه كانت شبهه مضلمه..مشيت اتسوكت واستحميت ..طلعته اتوضيت في المغسله ..بعد خلصته الوضوء قعدته ابحلق في البيت تاني .. بيتهم موبالغه..❤ ياخ عجبني عجبه ووقعت في غرام بيوتكم ياناس القضارف ورملتكم العجيبة دي!!

تربتهم ما زي تربتنا حقت الرمله الناعمه ديييك..

تربتنا في شندي رمله حمراء بتوسخ الزول ..اما هنا ترابهم اسود..عشان كده فتح لي لوني وبقيت حلبيه عدييييل كده انسو بس..

القطيه واااو..احييييينا ..

تحت مبنيه بي طوب وفوق قش..

بدون سابق انذار الكلب حق امس الما بغباني جا طالع..دايرة اجري وقفني صوت : لو جريني بسكك والله .

عاينت لقيتو دا امجد ..كان لابس ملابسهم الخدراء حقت المدرسه ديك..

الكلب طوالي جرا ليهو ...وقعد يلحس جزمتو..

قلت ليهو : لالا وهو اسمو منو ؟؟ سامعه امس ناس بتقول : كونواستوب !

ضحك مسسسافه ..طبعآ ضحكتو **سسسارة حطب ..لو م اصغر مني كنت حبييييتو اقسسوم..

امجد : دا اعز صاحب لي واسمو كونستنتين .الاسم دا لطشتو من مسلس كرتون في ام بي ثي 3

)طبعآ امجد الاخترع كلمة لطشتو دي..والآن الواتس السوداني يتألق بها )

واصل كلامو:

كونو دا لقبو..والسمعتيهو : كونواستوب يعني :كونو اقيف .

هععععع اسمو شنو ؟؟

امجد : اول ضحكتك هبله وما بتشبه ضحك البنات إطلاقاً

تانياً اسمو كونس.. تن ..تيين ..

تالتاً..ماف شي

هعععع سمح..انت بتقرا وين ؟؟؟

امجد : ابو الضحكه زاتوو..مدرسة القديمه بنين..

قلت ليهو وانا ماشه : مدرستكم اسمها غرائبي عجائبي ....دخلته الغرفه ولقيت صفصف لمن لبست..

قلت ليها : طالعه ولة شنو ؟

انصاف : اي ..لازم امش بدري شوية.

انتي كمان اجهزي لانو جامعتك بعيده

قلت ليها لييي هي ما جمبه حقتهم ؟؟ قالت لي جامعتهم في السوق هنا بس حقتنا ابعد..هناك في تواوا جمب الجبل..

غايتو علبان افهم البلد دي حأتعب..

بعد شربنا الشاي

طلعنا انا وابوي بي عربية عمو أمير..ساقها ولدو اشرف ..

طول الطريق كانو بتونسو..اما انا انشغلت بي تلفوني..كنت بلعب لعبة القرد المسيخه ديك..

ما حسيت بي روحي عشان كده شالتني غمضه..

صحيت على صوت ابوي وهو بقول : هسي متييييين لمن نامت دي كمان !!!!

فتحت عيوني #ببطء لقيتهم واقفين برة وفاتحين الباب..واشرف يتبسم ساااي ابتسامتو حمراء ذهبياً لونهاا زي نار الكمينه بالله

غايتو ج*س اووووحراج !!

???

دخلنا الكليه..

واااو حبيتهااا

طبعا كاتبين بالخط العريض : جامعة القضارف ..كلية الهندسه النووية

وأحلى شي الكليه..البناء بتاعها مبالغه عديييل كده ياخ!

.بجيب نفسيات اقسسوم..

في النص عاملين شكل نواة وحولها الكترونات..يب يب مجسم بتاع ذرة ..ياخ حاجه تلبششششش..

اما الطلبه ديل شغاليييين ... يسووو كدي ?

...

المهم..

دخلنا كم محل كده..واشرف دا تعب معانا والله ..يسأل دا و ينادي دا ...لقينا واحد وصف لينا محل مكتب المسجل ..

غايتو سجلنا الحمد لله..

السنه بي 20 مليون زي السسسسم ...عاد لكن ابوي يستاهل ..اقله من جزاهو ....

???

وبعد كتله من النصائح آخيييييرآ مشو..

وصلوني قاعة البرالمه طبعاً..

لكن المحاضر لمن دخل..

م حبيت أأحرج نفسي عشان كده م دخلته..

قعدته تحت الشجرة وجبته لعبة القرد تاني ...

وانا في نص اللعبه جاتني فووكرة سمحه

ولأنو معروف عني انو انا شليقه ...قررت انفذ الخطه..

...

نحن حسب ما قال لي المسجل الدفعه السابعه..معناها الدفعه السادسه عبارة عن سنايرنا هعععععع

مشيت للخاله القاعده تحت الشجرة الجمبي..

بتبيع كراسات و حلاوة وكده

سألتها قاعة السناير ووييييين ؟؟؟

الخاله العسل وصفت لي ..ولانو انا محظوظة لقيتهم جايييطين..معناها م شغالين محاضرة..

قمت صلحت ه عبايتي..طبعا لابسه عبايه سوداء طلعته من الكيس اقسسسسم ..وطرحه كبديه وشنطه و اسبورت كبديات..يعني انيييييقه وخمسه وخميسه ...

دخللته القاعه ..كلهم انتبهو لي..المشغل اغاني ..والقاعد فوق في الكنبه ( ااي كنبه..لاحظو لي انو انا برلومه سمح ؟؟؟؟ )

بس ماف واحد منهم قدم لي اي نوع من الاحترام..قليلين ادب كييييف !!!!

في واحد كده لونو قمحي **سسسار..جذبتني حلاقتو من ورا..ﻷنو كان ملتفت علي (الكنبه )الوارهو وبتكلم مع واحده شدة ما سمحه !!" التقول تفت فيها الملائكه..

قمت طقطقته ليهو بي أصابعي وقلته بي صوت مستواهو عالي لكن ما شديد..وملان ثقه : هوي هوي ..انت قايل نفسك في حفله ?? ولة في نادي بتاع كورة !!

م التفت ...اتخيلو بسسس ! قليل أدب خلاص !

انا ما حسيت بي روحي الا وانا ضاربه الدرج (درج اي مالكم!؟) بي أعلى صوت : بتكلم معاك انا !

الولد التفت علي بالراااحه وقال بي كل الافتراء اللفي الدنيا : انتي معاي ??? ..

#صلو_عليه

…

#fulla_Ali

قلت ليهو : انت طالب جامعي ..خليك عندك أسلوب لو سمحته

ولا كأني بتكلم...رجع تاني يتكلم مع البت..

البت يا حليلا شكلها قايلاني دكتورة. .عشان كده ما اتجاوبت معاهو..وكانت بتعاين بنظرات خوف..وبترد ليهو بأبتسامات بنفسجياً لونها (مجامله وكده هههه)

قلت ليهو بصوت قائد برتبة ملازم أول : قوم أطلع لي برة من قاعتي !

قال : ماااا طالع

طبعا حير ام عقلي زاتو

قلت ليهو بجديه : انا ما قريت 5 سنه وحضرت ماجستير ودكتوارة في لندن..عشان يجي يتحداني طالب فصعون من البيضه ما طلع !!

**طبعآ انا زاتي صدقته اني دكتورة وهيييكا ههههعع**

هنا الولد يا داب حسه انو اتورط ..بس كبرياءو اعجبني..ما فكر يعتذر...

لطش تلفونو وقام على حيلو

بس اداني نظرة عوومري ما حأنساها ..

خلتني اعرف اني فتحت حساب مع البنك الخطأ !!!!!

وهو جمب الباب قلت ليهم : معاكم ترتيل الطيب ..الدفعه السابعه..يعني برلومتكم يا سنايرتي

حصلت لحظة **ممممت ..بعدها كلهم قعدو يضحكو وجو سلمو علي

وقعدو يقولو : برلومة برلمتنا نحن السناير ههههههه

يلا الولد داك بعد سمع كلامي طلع..وما شوفت ردة فعلو كانت عامله كيف...عشان اقدر احدد موقعي من الأعراب شنو ! ويا ورطتك يا بت الطيب !!!!!

???

اتعرفت على كم سنير كده...وبعد الاستاذ طلع من المحاضرة دخلت القاعه ..

اخترت اوول بينش وقعدت فيهو ...

جزء منهم بعاين لي ..وجزء آخر مشغل اغاني..والبعض يتونسسس..

فجأة قعدت جمبي بت عثولة كده..سألتني : انتي جديده ولة شنو ؟؟؟ لأني اووول مرة اشوفك.؟

قلت ليها : ايون..ي اداب اول يوم لي..انا ترتيل الطيب

ردت لي : وانا وجن محمد ..اتشرفنا يا تويتي

ضحكته كدااا..وقلت ليها حلوة تويتي دي ..

هههه اها ساكنه وين انتي ؟؟؟

قلت ليها اصلا من شندي..وجيت هنا قاعده مع عمتو....حيهم اسمو.....

قالت لي ما بعاد شديد مننا..نحن في....

قلت ليها اها الدراسه كيف والفاتني قدر كيف؟؟

وجن : ما ف*ناك كتيير..اسبوعين بس.. بمعدل عشرة محاضرات لتلات مواد.. بتتجازف يعني.

-عليك الله ؟؟نحن في شندي البرالمه يا داب يوم الأحد..

قالت لي صح كل ولاية وكل جامعه بي نظامها ..لكن ما تخافي بنساعدك

قلت ليها : شكرا ما بتقصرري والله ..

وههكذا ...تعرفت على صدييييقه ظريفة وطيبه ووناسه..

اتعرفنا على بعض اكتر..بعد عاينت لي ساعتها قالت لي :

ارح نفطر.المحاضرة التانيه لي الساعه 2:34م ..وهسي يا داب 11:34ص

قلت ليها حاضر

.مشينا على الكافتيريا..كانت ملانه طلبه..

الشي الحيرني وحيرها انو الناس كلهم بعاينو وبوصفو علينا..

قلت اكيد بعلقو وبقولو دي منو الوحش الماشه معاهو وجن دي!!

فجأه في حد ناداها : وجن ..

اتلفتت عليهو كان شاب كده..وجيهوني وبشبها لدرجة انتظر وتأمل

وجن : ايوا

الشاب : خلصتي محاضراتك ؟؟

وجن : فاضل واحده لي 2:34م

قال ليها تمام وعاين لي : البت البرلمت السناير..كيفك ؟؟؟

ابتسمت ليهو في حين انو

وجن ضحكااات ..

الشاب : سيبي الضحك وتعالو كدي لحظة..ومشى ..

وجن : عملتي شنو انتي ههههه ارح كدي نشوف الحاصل

مشينا ورا الشاب وكنت بحكي ليها وهي تضحاااك قدرتها ..

لغاية وصلنا تحت شجرة خضراء وريف ظلهاا

كان فيها اربعه بينشات مرصوصين علي شكل مربع..

وفيها بتين معاهم تلاته اولاد بالأضافه لي الولد الساقنا

من شافوني قعدو يضحكو..عاد بقيت الفاضل سعيد الله يرحموو شكلو كده

.وقالو : برلومتنا اهلين بيك ..

سلمت ليهم والولد عرفني بيهم : حنان و اروي ..و احمد و كريم و شوقي

قلت ليهم : اتشرفنا ..وانا ترتيل

حنان : ايون عارفنك..تقريباً كل الكليه بقت عارفاك هسي ههههه لكن حركتك ظريفه ياخ وماف حد سبقك عليهاا

..قلت ليها تسلمي كتير ..وقلت في نفسي زرافه تنطحك اشالله!

الولد داك قال لينا اتفضلو ..عاينت لي وجن هزت لي راسها بمعني اي

قعدنا معاهم ونتونس ساااي ..اتعرفت بيهم طلعو ما كعبين غايتوو اللهم الا كن كانت شكليات الله يسترني منها

بعد شويه سمعنا صوت شمكله ( شكله)

كريم : دا مدريدي اكيد..جنو مشاكل جنا دا

كلهم اتلفتو على اتجاه الشكله..

شوفتو الولد الأحرجتو في القاعه ؟؟؟ باااس ياهو ياهو

يلا هو واقف وشايل في يدو تلفون .والتانيه كباية عصير ...وفي واحد راكع ليهو عشان يديهو ليهو.. اي والله راكع عدييل زي ما قريتوها

شوقي : ههههه البرلوم المسكين كاتمه فيهو..

طبعا استغربت من المنظر ..واستغربت اكتر في ردة فعل الطلبه..

اتخيلت نفسي في العصر الجاهلي ..او في مسلسل هندي ! المهم واحده من حاجات التلفزيون دي

الود واقف وبقول بكل غطرسة : الحس الجزمة وإلا غطستو ليك في الكبايه !

الولد : يا مدريدي عليك الله اديني تلفوني !! عليك الله !!!!!

ما إتكلم وبس آشر ليهو على الجزمه ..

وأحلى شي انو الطلبه واقفين..جزء منهم استهجن الموضوع ..والآخر متكيييييف كأنهم بحضرو في مصارعه حره بطلها جون سينا ..

انا المنظر دا رجع بي ذاكرتي 10سنه ورا ..واتذكرت حاجه عمري ما حانساها...( حأحكيها ليكم بس ذكروني عليك الله..حلاتكم انتو )

الولد البرلوم مسكين ..طوالي عاين للجزمه بتاعت زفت الطين الاسمو مدريدي دا..

وبدا يدنقر راسو...والله ما عارفه انا عملتها كيف واتحركت كده كيف ومتين بس طوالي وبدون سابق إنذار.....

???

يوم الجمعه من الصباح ..ابوي كبرا ..

بكييييييت لمن الله غفر لي وانا في الحمام..

اول لانو ابوي سافر...وتانياً الشي الحصل يوم الخميس في الجامعه !!!!

غايتو بس الحمد لله..

فطرنا الساعه 11:34 ص

غسلنا العده انا وانصاف وطوالي مشيت اتخمدته نومته..

باقي اليوم كان عادي مافيهو اي جديد..

الساعه 4:34 كده صفصف جاتني : تويتي ..ارح قدميني

قلت ليها وين ؟؟؟

قالت لي : نجيب فرح..

طبعا استغربت فرح منو لكن م سألتها قومت لبست لي عبايه سودا وطرحه سودا

انصاف زاتها لبست عبايه...

احمد حلف الا يمش معانا ... طلعنا واصلا الظلط قريب..

في اولاد متمركزين جمب الدكان الجمبهم..وشغالين يحبلقو فينا ...

عشان كده وقت جينا مارين بيهم طوالي قلنا : السلام عليكم

دي أستراتيجيتنا نحن البنات..بنستخدمها في المواقف الذي دي هههععع..ردو السلام وماف واحد اتجرأ يشاغلنا

ركبنا لينا ركشه ...احمد دا ضحكنا ضحك !! عندو حكاوي كده غرائبيه عجائبيه .. اتونسنا وضحكنا كدااا

لغاية وصلنا الحي وهي بدت توصف لبتاع الركشه..

ف الآخر وقفنا جمب بيت كدا مبني طابقين..

وحوالينو في شكل حديقه غنااء خضراء لونها .

???

ض*بنا الجرس بعد شوية كدا الباب اتفتح..

فتحت لينا واحده عشرينيه حلاااته كن شوفتوها ..سلمت لي انصاف بالحضن بس باين انو في تطش بيناتهم..وسلمت على احمد وباستو..وهو سألها : فلوحه وينها ي رشا !؟

ردت ليهو : جوه امشي شوفها

وعاينت لي باستغراب..

انصاف فهمتها وقالت : دي ترتيل بت خالو الطيب من شندي

سلمت لي وقالت: ....اتفضلو

بيتهم من جوة حلو حلات الجن ! وكلو مشجر وملان أصص ..التقول مشتل..+ صوت زقزقة العصافير عامل شغل..

قعدنا تحت عريشة العنبه.

امها جات سلمت علينا وحلف*نا ندخل جوة.بس قلنا ليها خلاص قعدنا.وانصاف دي تتلفت ساااي زي الرايحه ليها حاجه..انا ختيت انها بتفتش في احمد ( بس انا طلعت غلطانه وحتعرفو لقدام ).

بعد شوية رشا جات شايله كبابي وجك عصير ..

انا اتلفته بحثا عن احمد لانو كترها الولد دا..رشا لاحظت لي وفهمتني عشان كده قالت : قاعد يلعب مع فرح جوة..

بعد شويه جو طالعين..يا داب شوفت ه فرح...بنوتة عثثثثثثل ياخ لمن عسل ..

شعرها منكوش وغزير ..لونها قمحي نضيييف ..بتمش طبعا ...عمرها تلاته سنون تقريبا قدر جهودي اخوي..

انصاف جرت عليها وشالتها حضنتها :حبيبة عمتووو..والله مشتاقييييين..

طبعاً يا داب اتذكرت وقت ابوي قال انو أشرف متزوج..عشان كده قلته قطعاً انو دي مرتو و بتو ..

بس الما فاهماهو انا وما فاهمينو انتو ..لشنو عايشين منفصلين ؟؟؟؟؟

اتونسنا معاهم كداااا..رشا دي من فترة لي فترة بتجدع (كولييمه ) ..وبتوزع ابتسامات صفراء باهت لونها

اما امها ظريييييفه...ضحكتنا ضحك !! انسسسو بسسس..

المغرب خلااص قرب..

انصاف : نحن نمش بعد دا...عشان الواطه ما تمغرب لينا..

خالتي منى ( ام رشا ) : علييييكم الله بيتو معانا !!!

انصاف : والله يا ريت..بس بكرة شغاله انا من الصباح..مرة تانيه ان شاء الله..

مني : طيب يا بتي ..ربنا يوفقكم..

انا وهي قلنا آميين..

في اللحظة دي رشا شالت البت دخلت بيها جوة..

بعد شويه جات طالعه وشايله شنطة و لبستها فستان و سرحتها واحده وخلتو ليها منكوش كده بي ورا..

انصاف شالتها وانا شلته الشنطة...

ونحن طالعين في شاب كده **ار حطب و وجاع قلب آآه يا قلبي ..جا داخل

ابتسم ابتسامه بيضاء ناصع لونها لغاية بانت الغمازه و سلم علينا

انصاف ردت بخجل : اهلين رضوان كيف عامل ؟ ..

رضوان : والله يا دكتورة في نعمه..راجينكم تجو تستلمو الشغل

انصاف ضحكت ضحكه هاديه وقالت : سمح..طوالي ما عندك مشكله ..

رضوان عاين لي وقال : ما عرفتيني بالأستاذه؟

قالت ليهو دي ترتيل بت خالو الطيب من شندي..

رضوان : نورتي قضروف السعد

بنورك يا رب تسلم..

اتفضلو جوة مالكم في الباب ؟

رشا : قدر ما حاولناهم رفضو..اتكلم معاهم انت يمكن يسمعو كلامك

رضوان عاين لأنصاف نظرة عتاب..ردت ليهو بأبتسامه مجامله : والله بكره شغالين مع دكتور مايكل وانت عارفو

لازم امش انوم بدري عشان اصحى بدري عشان امش بدري

رضوان اخد ليهو تصفيرة كده وقال : كن كده اجري جري...ارح اوصلكم ..

. ???

رضوان وصلنا لغاية البيت...انا شلته البت ودخلنا..اما هي وقفت وبتحاول تقنع فيهو عشان يدخل يسلم..

ونحن داخلين آشرف جا طالع..فرح دي الفرح كتلها من وقت شافت ابوها..شالها مني وقعد يبوس ويحضن فيها ..بالجد منظر مؤثر !!!!

انصاف وقتين شافت اخوها دخلت بسرعه وانا وراها طبعآ ..

آشرف زاتو حاول معاهو يدخل بس الاخ اعتذر بحجة هو جاي من المستشفي أسي وكده

باقي اليوم دا كان ظريف ..وجود فرح في البيت خلاهم ينبسطو..

امجد شغال يبوس ويبوس ويبوس فيها وحاتكم لمن شمتو

واحمد يشيل ويجيب ليها في الأل**ب ..البت لمن نامت من التعب ...غايتو يا فرح ماعجبني ليك ..

دخلت الغرفه ولقيت صفاصف سرحانه في السقف.ومشغله اغنية انا قلبي مالو اليوم لجمال مصباح

بتحبيهو قدر شنو يا فصعونه ؟؟؟؟

انتبهت لي وقامت سريع سريع وقفلت الغنيه.: حب شنو يا مجنونه..انا قرايتي ما ملحقه عليها

ضحكته كداااا لزوم مامصدقاك ما تتعبي روحك..

استسلمت بسرعه وقالت : يا ترتيل شوفتي الموت ؟؟؟؟ يلا انا بموت فيهو ...بعشششششقو ...بتنفسسسسسو وعايشه بشوفتو...لكن...يستحيل يكون لي واكون ليهو يستحيل ......

وبس قعدت تبكييييييييي وخلتني مخلوعه خلعة الجن

#صلي_علي_محمد

Fulla Ali

اوماريقو فوماريقو لالالاليقو

ما تشتغلو بي انا منفسنه ساي هعععع

المهم..

انصاف احكي لي في شنو !!!؟ وكيف مستحيل !!

قالت لي والعبرة خانقاها : انا السبب في طلاق أشرف من رشا

طبعا أستغربت وفتحت خشمي من هول ما سمعت.

واصلت : ما تشوفي ونسة رضوان الجبيل المعاي د*ك معناها انو خاتي لي حاجه.لا .بالعكس..هو بكرهني عشان كده انفصل مني وقت الطلاق حصل..اي صح..كان حبيبي ونور عيوني رضوان دا ..وقعدت تبكي

انا راسي ضرب..بس الشي العرفتو انو انصاف ورضوان كانو علي علاقه..ولمن حصلت مشكله بين انصاف ورشا اياً كان سببها . أشرف طلق رشا

وبالتالي رضوان عشان يرد الصاع قام انفصل منها

واصلت كلامها : في يوم انا ورشا اتناقشنا ..وقالت لي انتي ما مربية..امي سمعتها وجات قالت ليها كده هي نبذتها هي

ومن لئامتها اتلائمت مع امي برضو. وصادف أشرف جا من الشغل وسمع الكلام.. ..قال ليها تعتذر من امي ..بس رفضت ..وطولت ل**نها عليهو ..وهو ما اتمالك نفسو طوالي طلقها ..ا افترا منها

هسي الكلام دا تمه تلاته سنه..اكتشفنا انها كانت بتتوحم..وانتي عارفه اخلاق المرة الحامل كيف

..**قلت في نفسسي اسأليني من معالي **

نحن عذرناها وحاولنا نرجعهم بس الاتنين راسهم حجر

حاسه اني السبب في بعاد أشرف من بتو..

حاليآ تعاملنا معاهم وتعاملهم معانا مبني على الأحترام والتقدير .اما رضوان خطب وزواجو قرب..وأشرف ورشا للآن ما فكرو يرجعو..أحلى شي انو طلقها طلقه واحده..ولانو انا عارفاها بتحبو لي هسي ما فكرت تطلب ورقتها كامله

وفرح المظلومة الأكبر..أسبوع معانا واسبوع مع أمها ..وياهو زي ما انتي شايفه الحاله

ي داب الصورة أكتملت عندي..

عشان كده رفعت لي انصاف راسها وعاينته ليها في عيونها : لازم فرح تتربي تحت سقف واحد مع امها وابوها..لازم إيد بي إيد نحاول نخليهم يرجعو لبعض

إنصاف عاينت لي بأستغراب..ابتسمت ليها إبتسامه خضراء زرعي لونها وملانه آمل : ارح نصلو صلاة العشاء سورعه ..

???

الساعه 10:34مساء كده ..كنا قاعدين نتونس في حوشهم داك وعاملين شاي لبن وكيك ومعانا نسوان أعمامهم الاتنين ( ديل ما اتعرفتو عليهم ) ياسمين وزهراء واولادهم مآشاء الله بنات واولاد وعندهم شفع ..

ياسمين أكبر ولد ليها عمرو 20 رمزي بقرا حاسوب

وعندها رهف دي في تامنه بت عثل وهاديه ورقيقه

وتاني عندها راضي دا في خامس تقريبآ

اما زهرا عندها بت عمر 7شهور كده اسمها عرفه

وتاني عندها تيمان اولاد عامر و عاطف اعمارهم 7سنه وأكبر واحده في تفس عمرنا تقريبآ بتقرا اقتصاد اسمها عنان

( الشخصيات دي كلها ما عندها ادوار في الرواية )

وفي أنصاف كمان وعمتو أماني

وامجد واحمد

المهم البيت ملان وجوطة وس**ك انسو بس

يلا في وسط اللمه دي وفي لحظة سانحة حقت **ت تلفوني ض*ب ...انتو عارفين نغمة التلفون الصيني داك ..كولهم انتبهو لي ..حسيت بأحووراج عجيب..

رمزي بي باقي ضحكه كده قال : ارح ي أمجد عاوز اوريك البرنامج داك..

امجد دا يتكشم ويتبسم ساااي زي الشاف نسيبتو :ارح ارح .. أسي كنت عاوز أسألك منو ..غايتو طلعو وانا عارفه طلعو عشان يضحكو في تلفوني

وانا بفتح الخط ياسمين قالت : هو زاتو التلفون الصيني أقوا تلفون . الا أكلم خالد يجيب لي ( دا راجلا طبعآ ).

ابتسمته ليها ابتسامه تجامليه بنفسجيآ لونها ودخلته جوة الغرفه ..لقيت الاتصال من ميرو سبب حياتي

:الوو

ايون أميرتي كيفك

:بخير والله الا فاقداك بس..اها خليك من أمور السلام حقت المنفسنين دي واحكي لي اول يوم في الجامعه كان كيف ؟؟؟

طبعا طوالي بديت أعزي وأبكييي

آميرة : يا بت هوي مالك في شنو !!

???

في صاله كده حقت تدريب..يسودها ال**ت إلا من صوت الآلم والمثابرة ..

كان بيرفع الأثقال وال 1Rm 100 كيلو!! ..

وليد: 100كيلو!! بعدها صفر تصفيرة تعجب...و واصل : دا كلو عشان بت !!!!

نزل الاثقال بقوة وقال : والله يا وليد ...ورحمة امي الغاليه واختي ...اندمها وأسسففها التراب

وقسم حتجي زاحفة تحت رجولي

وما أبقى مدريدي لو ما ندمتها

و واصل يرفع في الأثقال وكل مرة بزيد كيلو...واا

الزول شايل تقيييل في قلبوو

#كاتمه_اقسم

وليد مطه شفايفو و زح منو وبدا يعمل تمارين ضغط ..

ودا مواصل والعرق يتصبب من وشو..وكل ما يتذكر العملتو بزيد كيلو..وغايتوو دقستي يا ترتيل على الجاييك

???

#شندي_الحوب

الطيب كان بشاهد في التلفزيون..معالي جات قعدت جمبو وتأن سااي : جسمي كلو بوجعني يا الطيب..الشغل هلكني

رد ليها وهو منتبه في التلفزيون : امسحي موف

معالي : اووف منك..موف شنو و ف**ي شنو !

الطيب : ماهدي ترتيل كانت مريحاك ...وما مخلياكي تشتغلي ولا شي وبعد دا خارجتيها .أسي دايرة تشكي لي !

معالي : هووي يا الطيب كلمتك بتك ما دايرة أشوفها واديتك خيار يا انا يا هي ..وانت براك اخترتني انا صح ولا لا ا !!!!!!

ثم تانيآ ..انا عارفاك انت زاتك ما دايرها في البيت ..ووقت انا اتكلمت انت لقيتها فرصه واستقليت الوضع لي صالحك

الطيب : ي مرة دا كلام شنو ! دي بتي انتي فاهمه!

معالي : اي بتك ما اتكلمنا ..لكن امها منو ؟؟؟؟؟

هنا الطيب طوالي سكت..وم قدر يرد..

معالي إبتسمت إبتسامة انتصار : مشية بتك للقضارف دي إحتمال تلمها بي احباب ...م معروف الظروف..

الطيب حمر ليها وطوالي واصلت :ما علينا ..

المهم تجيب لي شغاله الليله قبل بكرة

الطيب : خير يا معالي خير

???

ما نمش بعيد ..جيرانهم طوالي في بيت ناس آميرة

هشام خ*ف التلفون من اميرة وقت سمعها بتسألني بتبكي ليي

:ترتيل ف شنو !! في زول زعلك ؟

قلت ليهو ماف حاجه ..أدي التلفون لي ميرو

هشام : ترتيل ي زفت الطين اقسم أجيك هناك أوريك ليهو ..اتكلمي !

قلت ليهو خلاص انا حأحكي لي أميرة وهي حتكلمك..

قال لي وعد..؟؟

قلت ليهو ايون..

بعد شوية أميرة ردت : يا بت وقعتي قلبي أتكلمي مالك !

وطوالي بديت أحكي ليها الحصل من طق طق لي السلام عليكم

أميرة طوالي شهقت وقالت لي : سجممممممممك !!!

توقاعتكم عن الحصل يوم الخميس

#صلو_علي_محمد