Nakatulala lang ako sa sahig habang patuloy na umaagos ang mga luha ko. Ang bawat salitang binitawan ni Victoria ay paulit-ulit na nag-e-echo sa isip ko. Plaything. Manipulative. Babero. Laruan.
Akmang bubuksan na sana ni Victoria ang malaking pinto palabas, pero bago pa man nya mahawakan ang doorknob, marahas itong bumukas mula sa labas!
BLAG!
Halos tumalsik ang pinto sa lakas ng pagkakabukas nito. Iniluwa nito si Governor Daks, pawisan, humihingal, at nanlilisik ang mga mata. Sa likuran nya ay si Cyrus na may hawak na matataas na kalibreng baril.
Nanigas si Gov nang makita nya si Victoria na buhay na buhay at nakatayo sa mismong sala nya. Pero ang mas nagpadilim sa mukha nya ay nang dumapo ang paningin nya sa akin—nakaluhod sa sahig, nanginginig, at umiiyak nang walang patid.
N
