Sinunod ko ang huling utos ni Gov Daks. Pumasok ako sa malaking banyo, binuksan ang shower, at hinayaan ang mainit na tubig na dumaloy sa buong katawan ko. Nakatayo lang ako sa ilalim ng tubig, nakatulala sa repleksyon ko sa malaking salamin sa harap ko.
Tiningnan ko ang sarili ko. Namumula ang mga mata ko sa kakaiyak. Punong-puno ng mga asul at pulang marka ang leeg, balikat, at dibdib ko. Ang dumi-dumi ko na. Hindi na ako yung inosenteng Dalisay na kilala nina nanay at tatay. Isa na lang akong parausan. Isang laruang binili ng isang makapangyarihang tao para gahasain at angkinin kailanman nya gusto.
Pero habang pinagmamasdan ko ang sarili ko at unti-unting kumakalma ang pag-iyak ko, may isang malakas na boses sa utak ko na hindi ko matakasan.
Ligtas ang mga magulang ko dahil sa kan
