"Mabuti naman kung gano'n," sagot ni Roman pagkatapos niyang tumango kay Vladimir saka siya tumingin kay Katherine. "Alis na tayo?"
"Pumunta muna tayo sa ikalawang palapag. May bibisitahin lang ako," sagot naman ni Katherine sa kanyang nobyo.
"Paano, mauuna na kami ng aking nobya," saka niya hinawakan ang kamay ni Katherine kaya naman napadako ang tingin doon ni Vladimir.
"Mag-iingat kayo, maraming salamat sa pagbisita at sa pagtulong. Sana nga ay magising na si itay para sa nalalapit na kasal niyo ay malakas na siya," kahit nakangiti si Salima ay bakas pa rin sa kanyang boses ang lungkol dahil sa nangyari sa kanyang ama. Kinuha ni Katherine ang kamay ni Salima saka siya nagsalita.
"Hayaan mo Salima, ipagdadasal namin si Mang Esteban upang siya ay tuluyan nang gumaling," sabi ni Kather
