Kahit nagtataka ay ipinagsawalang bahala na lang iyon ni Salima dahil kinakailangan na niyang bumili ng gamot ng kanyang amang si Mang Esteban. Naiisip niyang tatanungin na lamang niya si Vladimir mamaya kapag nagkita silang muli.
Samantala si Vladimir ay mabilis na pumunta sa kakahuyan na malapit sa hospital dahil alam niyang kapag hindi pa siya umalis doon ay baka kung ano na ang kanyang magawa. Hindi rin mawari ni Vladimir kung bakit gano'n na lang ang tama niya kay Katherine kahit na anong pigil niya ay hindi niya mapigilan na hindi mahumaling sa dalaga na unang beses niya pa lang nakita.
Naramdaman ni Vladimir ang matinding pagkauhaw at kasabay no'n ay naging kulay pula ang kanyang mata. Matagal na rin ang huling pagkakataon nang makaramdam siya ng gano'n. Kaya kasi ni Vladimir na m
