"Huwag niyo na lang ibenta ang hanapbuhay niyo," hindi pa man nakakatapos magsalita si Vladimir ay nagsalita na agad si Salima.
"Ngunit kailangan namin Vladimir. Sabi ng mga dalubhasa ay hindi basta-basta ang sakit ni Itay. Kaya naman kailangan namin ng pera pantustos doon. Isa pa ay ayoko na magtrabaho si Inay dahil baka mamaya ay siya naman ang sunod na magkasakit," paliwanag ni Salima kay Vladimir. "Dahil hindi na pwedeng magtrabaho si Itay ay wala na titingin sa palayan at sa mga alagang hayop namin. At kung iniisip mo na paaalisin ka namin ay nagkakamali ka. Ang sabi nga ni Inay ay patirahin ka na lang ng libre sa tinutuluyan mo dahil sa dami rin ng tulong mo sa amin, lalo na ngayon."
"Walang kaso sa akin iyon Salima. Talagang nanghihinayang lang ako sa negosyo niyo dahil alam ko na
