“Wild card? Ito na lang ‘yong naisip ko para hindi tayo mapagalitan nang husto. Alam natin na magagalit ang president, pero ito na lang ‘yong riks na puwede,” sabi ni Tanya.
Nakikinig lamang si Calix, ang secretary ni Alejandro sa usapan ng mga matataas na maaaring tamaan dahil sa naging kaganapan sa mismong camp training. Hindi na niya halos tinitingnan kung sino ang nagsasalita basta siya’y nakikinig, at abala sa pagbibigay impormasyon kay Alejandro.
Hindi si Alejandro ang may dahilan kung bakit nasa bottom two si Aryan.
“Itong four judges’ natin, sila ‘yong inaatake ngayon ng mga tao. Lalo at ang result ay mataas ang boto ni Aryan, pero kung titingnan naman nating maigi ten percent din ang ibinaba niya, as if someone’s working para mapababa siya. I mean, ang voting natin ay puwedeng
