“Kumusta?” tanong ni Alejandro nang magising si Aryan sa kanyang bisig.
Nangiti si Aryan. “Anong kinukumusta mo?”
Natawa rin naman ito at hinalikan si Aryan sa noo.
Nagiging komportable na si Aryan kay Alejandro, isa na sa halimbawa noon ang ginawa niya ngayong pagyakap dito. Ngayon lang niya nalaman na mahilig pala siya sa body heat contact, mas nagiging mapayapa siyang may katabi at kayakap. Kakaiba pa ang idinudulot ng physical touch.
“Magiging tamad pala ako kung palagi kitang kasama.”
“Bakit?” Nagtataka man ay hindi mawala ang ngiti sa labi ni Alejandro.
“Ayokong bumangon,” sagot ni Aryan.
“May tawag ka pala kanina, sa tingin ko ay itutuloy ng programa ang tungkol sa Wild Card.”
Umiling si Aryan at sumiksik pa lalo kay Alejandro.
“Ayoko na, gusto ko na magsimulang ipahinga an
