***Luth POV***
"SIGURADO ka, Luth? Gusto mong magkasambahay?" naninigurong tanong ni Ninang Isay nang puntahan ko sya sa bahay nila nang hapon na iyon.
"Opo, ninang. Nalaman ko po kasi na trenta mil ang monthly salary. Totoo po ba?"
"Oo, 30k a month nga ang sahod."
"Ang laki po ng sahod para sa isang kasambahay, ninang. Mas malaki pa po 'yon sa sahod ng ibang mga nag o-opisina. Politiko po ba iyong amo o sikat na artista?"
Natawa si Ninang Isay. "Hindi politiko o artista yong amo. Isa iyong mayaman na negosyante. Bilyonaryo."
"Ah.. kaya po pala ang laki ng sahod. Ninang, ako na lang po," pangungulit ko.
"Kakayanin mo ba ang mga gawaing bahay?"
"Opo naman! Alam ko po ang lahat ng gawaing bahay, tinuruan po ako ni tatay. Saka masipag po ako. Alam po iyon ni ninong. Di ba po, n
