***Luth POV***
MAAYOS ang mga naging unang araw namin ni tatay sa bago naming tirahan. Gayunpaman ay hindi pa rin namin maiwasan mamiss ang dati naming bahay sa looban. Isa-isa na ring nag-si-alisan ang mga kapitbahay namin doon kasama ang mga kababata ko. May ilan kaming kapitbahay na dito rin sa barangay napadpad gaya nila Dodie at magkapatid na Janus at Jino. Si Mimay ay sa kabilang baranggay naman. Ilang araw na lang ang nalalabi at gigibain na ang mga iniwan naming bahay roon. Nagsimula na nga ring magbakod ng mga nagtataasang yero ang mga tauhan ng may ari ng lupa. Mabuti na lang talaga at dumating sa bahay namin si Ninong Pade nang araw na iyon na namomroblema kami ni tatay kung saan lilipat. Lahat talaga ng dasal na taos puso mong ilalapit sa Kanya ay may mabilis na sagot.
"Pand
