***Luth POV***
HUMIHIKAB na lumabas ako ng servants quarter habang tinatali ang buhok. Hindi na ako nakaligo at naghilamos at sipilyo na lang sabay bihis ng uniporme. Alas sais pasado na rin kasi ako nagising dahil hindi ako nagising sa alarm kong alas singko. Paano ba naman, mag aala-una na ako nakatulog kagabi dahil namahay ako at nilamig pa sa aircon.
Dumiretso ako sa kitchen para mag asikaso na ng aalmusalin. Nagtimpla lang ako ng instant coffee. Meron namang brewed coffee at tinuruan na ako kahapon ni Manang Citang kung paano gamitin iyon. Pero hindi ko type ang lasa ng brewed coffee dahil masyadong matapang. Mabuti na lang at may instant coffee sa pantry. Bukod sa kape ay nagprito ako ng itlog at ininit ko ang bahaw. Iyon ang almusal ko ngayong umaga para mabigat sa tiyan at hindi
