NEZZIE JANE
Tatlong araw na akong andito sa paupahang bahay na pinagdalhan sa akin ni Ivan. Ang pinsan daw nito ang may-ari at pinapauhan nito. Saktong kakaalis lang daw ng huling umupa no'ng nakaraan nang tumawag ako sa kanya para humingi ng tulong. Sakto lang daw na andito ako kasi wala pa namang nag-i-inquire para umupa.
Sa totoo lang ay medyo naninibago at nababagot na nga ako rito sa loob pero wala rin naman akong choice kundi ang manatili rito. Wala na rin masyadong pwedeng gawin. Simula kasi ng dumating ako ay panay linis din ang ginawa ko para 'di ako mainip at bilang kapalit na rin dahil pinayagan ako ni Ivan na manatili rito. Kaya ngayon ay puro higa na lang ang ginagawa ko habang hihintay ito.
Hindi pa kasi ito bumabalik mula sa Zambales. Nandoon kasi ito ngayon para sa isang
