Mahimbing ang tulog ng dalawa niyang kapatid sa loob ng VIP room ng ospital. Si Leslie na piniling matulog sa silid na naroon, para naman daw ma experience nito ang matulog sa magandang kama at may aircon. Si Lloyd naman na pasyente ay nasa hospital bed pero parang hotel bed na rin sa ganda at kumportable. Hindi tuloy niya maiwasang mapangiti sa nakikita niyang kumportableng kalagayan ng kanyang mga kapatid. Hindi naman ganito kagandang silid ang pangarap niya, basta kumportable sila ay ok na.
Bago pa nga natulog si Leslie kanina kumain pa ito ng kumain ng mga pagkaing nasa ref, sinabihan kasi sila ng nurse na lahat ng pagkaing naroon ay para sa kanila, kaya naman hinayaan na niya ang kapatid na kumain, lalo na't alam niyang bihira lang itong makakain ng mga ganoong pagkain.
Nais sana n
