Limang araw ang tinagal ni Lloyd sa ospital at wala silang binayaran ni singko, pati nga personal nilang pagkain ay libre na rin. Lahat ng iyon ay dahil kay Mikel.
Pati sa araw mismo ng paglabas ni Lloyd sa ospital nagpadala pa ng tauhan si Mikel para maghatid sa kanila sa bahay nila. Tatanggi sana siya kaya lang baka mahirapan naman silang tatlo sa tricycle lalo na't may iba pa silang mga gamit. Isa pa sabik ang dalawa niyang kapatid na ma experience ang makasakay ng sasakyan. Hindi niya nais ipagkait sa mga kapatid ang ganoong klaseng bagay, kung para sa sarili niya kaya pa niya, pero pagdating sa mga kapatid niya ibang usapan na.
Kitang-kita niya ang galak at tuwa sa mata ng mga kapatid niya habang nakasakay sila sa mamahaling sasakyan ni Congressman. Kanina pa rin tanong ng tanong an
