"You're mine."
Paulit-ulit niya iyong sinasabi habang hinahalikan ang kamay ko.
Kasalukuyan kaming nasa bahay niya ngayon kasama si Jacob. Si Samantha naman ay hindi nakasama dahil uuwi raw ang kaniyang ina. Dapat ay hindi na pero nagpumilit siyang mag-celebrate.
Hindi maitago ang saya sa mga ngiti at mata niya. Para bang ito ang una niyang pagpasok sa isang relasyon.
Ganito pala ang pakiramdam kapag unang beses mong pumasok sa isang relasyon. Halo-halo at mahirap ipaliwanag kung ano ang eksakto kong nararamdam, basta ang tanging nasa isip ko ay masaya ako kasama siya.
"Clent, baka naman mapudpod na 'yang kamay niya kakahalik mo." Pabirong ani Jacob.
Hindi iyon pinansin ng pinsan niya at mas inilapit pa ako sa kaniya. Magkatabi naman kami ng upuan pero parang kulang pa rin ang espa
