- - - - - - - - - - - - - - - -
“Masayang-masaya ka ha. Siguro masyado kang nag-enjoy sa date ninyo ni Humph,” sabi ni Jones kay Jack. Sabay silang umuwi ngayon at naglalakad papunta sa sakayan ng jeep.
Napatingin si Jack kay Jones. Tipid itong napangiti.
“Masaya nga ako. Hindi ko kasi akalain na ganun pala kasaya sa pakiramdam ang unang date. Parang gustong kong maulit ulit,” sabi ni Jack.
“Sigurado naman akong mauulit ‘yan lalo na at nakikita kong malapit mo na siyang sagutin at maging kayo,” sabi ni Jones.
Napangiti si Jack.
“Sana nga. Sana nga si Humph na iyong itinakda ng nasa Itaas para sa akin.”
Tipid na napangiti si Jones.
“Oo nga pala, nagkausap na kami ni Humph. Nagkaayos at ipinagkatiwala na kita sa kanya.”
“Talaga?” tanong ni
