لا وقت للدموع

( ثمن الخيانه ) انا ( كارما على ) انا بشتغل في مجال الفن ، صوتي حلو و بغني في الأوبرا ، و عندي جمهوري و معجبيني طول مسيرتي الفنيه و محبوبه بين الناس . اتعرفت على شاب دكتور وسيم و ناجح اسمه ( احمد ) طموح و عايز يبقى ليه مستقبل حلو في مجال الطب ، و انا شجعته على كده و كنت واقفه جمبه ديما بحب و ثقه فيه و في قدراته . ارتبطت بيه ارتباط رسمي و حبيته جدا ، هو عرف ازاي يشغلني بيه و يخليني اتعلق به و احبه . هو بيحبني و كان كويس معايا جدا و بيحب نجاحي َ و شغلي و كان ديما بيشجعني اكون في أفضل حال ، لانه كان شايف اني عندي موهبه حقيقيه . اهلي كانو رافضين احمد ، لانه مش من عائله مناسبه شايفين اننا أعلى منهم ك مستوى مادي ، لكن انا اتمسكت بيه و **مت و اتجوزنا و عشنا مع بعض احلى ايام حياتنا ، و خلفت منه بنتي ( لمى ) ليا صديقه ، و كانت كأنها عايشه معايا من كتر ما احنا قريبين ل بعض ، كان رئيها من رئي اهلي ، و كانت رافضه الدكتور ( احمد ) و بتقول لي مش من مستواكي و لا نسب و لا عائله ، و كلام اهلك صح . ايه الشقه المتدنية دي اللي هتعيشي فيها ؟ ؟ لكن انا مش مقتنعه ب كلامهم هو عاجبني َ انا بحبه و اخترته و اتجوزته ، عشنا مع بعض اسعد ايام و سنين حياتنا . اتفرغت ل زوجي و ل بيتي و اديتهم كل وقتي و ربنا كرمني و حملت و خلفت بنتي و سمتها ( لمى ) بعد فتره سبت شغلي ، لاني حسيت ان عائلتي اهم من شغلي من كتر حبي ليهم و اهتمامي بيهم ، حتى شغلي و هوايتي المفضله سبتها علشانهم مكنتش بستخسر فيهم اي حاجه كل وقتي ليهم و كمان مش فاهمه حسيت اني كرهت اغني ، مبقتش عايزه اغني ، حاسه اني عايزه اعمل حاجه اهم و هي بيتي و تربيه بنتي و اهتمامي ب زوجي و بنتي . جوزي نجح جدا في شغله و بقى عنده المستشفى الخاص بيه و بقى راجل مهم في البلد ، و انا وزني زاد من القعده في البيت و شكلي اتغير بعد ما خلفت بنتي ( لمى ) و من كتر الاكل و قله عمل الرياضه و الأكل الغير صحي ، طبعا وزني ذاد جدا. ، و بطلت أهتم ب نفسي و شكلي و شكل جسمي و سبت نفسي لل زياده الوزن . جوزي بعد ما بقينا في مستوى تاني بقى عايزني الليق ب المستوى ده و اكون سيده مجتمع لكن انا مفهمتش ، يقصد ايه غير متأخر , لما خلاص ضاع مني و ندمت اني مفهمتش من البدايه أو حتي كنت احاول . حاول كتير معايا اني انزل وزني و أهتم ب شكلي و ديما كان ينبهني ، و يلفت نظري ، لكن انا كنت مش مهتمه حتى ب بنتي كنت بحب انام و اكول بس كانت اهتماماتي تافهه و مش مدروسه ، كنت عشوائيه و كنت تربيتي ل بنتي خنقه ليها لاني عايشه في ايام زمان و بربي بنتي على طريقه تربيتي انا . و ده أكبر خطأ ، مكنتش بربيها تربيه الوقت الحالي و كنت ب**ل اروح بيها تمارين او أماكن للفسح كنت ب**ل جدا اعمل كده ، و شايفه أنه عبء عليا . صديقت عمري اللي حكيت لكم عنها اسمها ( نهله ) في مره لجئت لي و جت لي البيت تستنجد بيا من عمايل جوزها فيها ، لانه معذبها و مبيشتغلش و خسر كل فلوسه ، و اللي عرفته بعدين انها سرقت كل اللي كان حيلته و رمته في الشارع ، و لكن هي لما جت كذبت عليا و حكت لي الموضوع بالع** علشان تطلع كويسه قدامي ، و شافت عيشتي ازاي اتغيرت و بقت في مستوى تاني راقي و ع** في بدايه جوازي ، طبعا استغربت و سألت نفسها ازاي حصل لي التغيير ده كله في وقت بسيط كده ، صديقتي كانت في مشاكل مع جوزها و جات لي البيت علشان اساعدها ، و انا وقفت جمبها مخذلتهاش ، و دي غلطتي . استكترت عليا عيشتي و قالت في عقلها ده كتير عليها هي عايشه في بيت ب الشياكه دي و جوزها دكتور و شأنه كبير و انا ، انا حظي مايل و جوزي وحش و مديون و قارفني ع الاخر ، و طلعت منه بشويه ملاليم بس . و محلتوش حاجه ، بقى انا اللي بنت ناس احسن منها تعليم و تربيه يبقى ده نصيبي و هي اللي اقل مني في كل حاجه يبقى ده نصيبها ! فضلت تعمل المستحيل ل حد ما خلعت زوجها ب مساعدتي ليها ب اني اجيب لها محامي ، و جزائي انها حقدت عليا و استكترت عليا زوجي و بيتي . قعدتها عندي فتره كام يوم و مكنتش اعرف هي نيتها ايه و لا اعرف انها ثعبان و هيلف في الاخر و يقرصني انا ، انا اللي مديت لها ايدي بالمساعدة و استقبلتها في بيتي . كنت بسيب لها البيت و امشي و اتاريها كانت بتلعب على جوزي و بتحاول توقعه و لأنها سيده مجتمع و شيك و حلوه جوزي وقع فيها على طول ما اخدش في ايديها غلوه ، لأنه هو ده النوع اللي بيحبه و بيفضله . و مفتكرنيش و لا افتكر حبنا و لا افتكر بنتنا ، راح و خاني مع صديقت عمري و هو ده جزائي لما عملت فيها معروف و دخلتها بيتي و حمتها ، كانت دي غلطتي ، اللي زيها كان أفضل تترمي في الشارع ، و مكنتش أسأل فيها . من بعد اللي عملته فيا انا حرمت اثق في حد او أقف جمب حد مره تانيه . سابت البيت و قالت هتعيش في أوتيل ل حد ما ظروفها تتحسن و تتظبط و ده كله و انا مش فاهمه هي دماغها فيها ايه . اتاريها عملت كده علشان تعرف تقابل جوزي في السر و كان بيروح لها و انا لاحظت انه اتغير و بقى بتأخر بره و اوقات كان بيبات بره كمان سألته مالك قال لي مفيش ، عندي شغل عندي عمليات لوقت متأخر و بضطر انام في المستشفى ، و انا كنت غ*يه و بصدقه . و في مره سألته انت ليه متغير قلت له انت مش زي عوايدك .. قال لي انا عادي و زي ما انا شوفي نفسك انتي ايه اللي غيرك كده و بقيتي كأنك وحده تانيه ، انتي بتعملي ايه ؟ بتاكلي همبرجر ! الساعه 2 صباحا ! حاولت افهم ماله دورت وراه في كل حاجه علشان افهم ماله و ايه هوا سبب تغييره معايا ، مسكت تلفونه و فتشت فيه وعرفت ب الصدفه علاقته ب الهانم صحبتي لما لاقيت رقمها متسجل عنده علىموبايله و مكلمها كذا مره و دخلت على الوتس اب بتاعه لاقيت كلامهم كله حب و قصه حب كبيره و كلامهم كأنهم اتنين متجوزين .. و راقبته و لاقيته راح لها أوتيل اللي عايشه فيه . انا عقلي طار مني كنت هتجنن ازاي الاتنين يعملو فيا كده ! لما جوزي رجع من الشغل واجهته و سألته انت ليه عملت كده ؟ ليه اتجوزت عليا ؟ و ازاي تخوني مع صديقت عمري . ازاي تعملو فيا كده ؟ انطق انا عرفت كل حاجه و شفتك بعيوني و انت رايح عندها . قال لي ده جواز على سنه الله و رسوله انا معملتش حاجة غلط ! و انا ياما قلت لك تتغيري مكنتيش بتوافقي ، قلت له طلقني .. قال لي لا مش هطلقك و انتي عيشي هنا في بيتك مع بنتك مش هاجي جمبك ، قلت له مستحيل هسمح لك تجمعني مع ست تانيه ، يا ريت نتطلق ب هدوء أفضل لي و لك .. و بعدين روحت ل صحبتي علشان اواجهها ب اللي عملته ، استغربت طريقتها و هي بتقول لي اه انا متجوزه و دي فيها ايه و بنحب بعض كمان و سبيه ي اللي معندكيش كرامه ، بكره هاخد مكانك في كل حاجه و هاجي اعيش في بيتك و مش بعيد كمان اني اخد منك بنتك و اربيها و بكره تشوفي ، قلتلها انتي انسانه حقيره و هتعيشي و تموتي حقيره .. و دي غلطتي اني دخلت وحده زيك بيتي و امنتك علي أسراري .. انا مش مصدقه كميه الغدر اللي اتعرضت ليها من أقرب الناس ليا ، صديقه عمري و جوزي حب عمري .. على كده بقى مفيش حاجة اسمها حب و لا في حاجه اسمها صداقه , دول طلعو كذبه كبيره .. بدئت رحلتي مع مواجهه الاتنين و مشيت و سبت البيت و دي كانت غلطه كمان لاني سبت لها كل حاجه تأخذها على الجاهز ، و رحت عند اهلي ، طبعا هو سيطر على اهلي و خلاهم يتقبلو الوضع ده ، كمان عايزين يفرضوه عليا َ و قالو لي اتحملي مش ده اختيارك ! انا سبت بيت اهلي و روحت عشت في شقه لوحدي انا و بنتي و مشيت في إجراءات الطلاق و بنتي في حضانتي ، جوزي حاول يوصل لي علشان يقنعني اني ارجع للبيت لكن ( نهله ) كانت بتعمل الع** و كانت بتعلمه ازاي ي**رني لكن بطريقتها و ذكائها ، و انا استسلمت ل غدر صحبتي َ سمحت لها تاخد جوزي مني و بيتي و جوزي ما صدق و لقاها لأنها مخليه شكله حلو قدام الناس ب جسمها الحلو و اهتمامها ب نفسها و شياكتها . أطلقت من جوزي و صحبتي راحت و عاشت في بيتي و بقت جمب جوزي في شغله و انا و لا كأني كنت موجوده في يوم من الايام في حياتهم هما الاتنين .. عشت حياتي بربي في بنتي لوحدي بعيد عن اهلي و عن طليقي وسبت ليهم كل حاجه و بقيت لوحدي ، انا لسه لحد دلوقتي مش قادره استوعب اللي حصل لي منهم هما الاتنين . عشت لوحدي من غيرهم و لما كانت بنتي { لمى } بتروح زياره ل بباها كنت بلاقيها مبسوطه و فرحانه ب مرات بباها و بتقول لي انها بتحبها لان ( نهله ) ، كانت عايزه تاخد مني بنتي كمان زي ما اخدت جوزي و بيتي حاولت َو حاولت ل حد ما اخدت بنتي مني ب حجه اني غير لائقه ل تربيه طفله بحكم من المحكمه ، لأنها طبعا قدرت بألعيبها الوقحه انها ت**ب القضيه . حسيت اني محبوسه جوه نفسي و اني مش قادره اني اعمل اي حاجه حتى اني ادافع عن بنتي اللي اتخذت مني كمان انا ضايعه ، و خسرت كل حاجه كانت في أيدي بين يوم و ليله . و لكن أنا مش هسيب نفسي كده مش هسيبهم يظلموني و اسكت لازم اتغير واكون احسن منهم َ اثبت لهم و ل اهلي و ل نفسي اني ست ب مليون راجل و اني قدرت اني اغير من نفسي للأحسن . و قدرت اخد حقي .. حسيت اني في مكان غير مكاني و جسم غير جسمي فكرت ارجع ل شغلي من تاني مش لازم اخسر كل حاجه ، لكن لازم ارجع جسمي زي زمان و ارجع حلوه في عيون الناس َ و قدام نفسي ، اشتغلت على نفسي و خسيت و حسيت بفرق لكن مع فراق بنتي و وجعي من زوجي احساس الألم و الغدر مبينتهيش و مبنساش ، لكن بحاول انسى نفسي و ابص ل قدام عايزه اثبت ل بنتي ان مامتها عملت حاجه علشانه علشان تعرف معزتها عندي و ان انا اتغيرت علشانها ، و علشان اخليها تكون فخوره بيا . اول ما روحت مكان شغلي القديم كلهم اخذوني ب الحضن و كانو مفتقديني جدا ، و قالو لي ليه بعدتي انتي صوتك حلو و عندك موهبه كبيره مش عند ناس كتير ، قلت لهم اني اتجوزت و خلفت ، و علشان كده بعدت لكن انا رجعت لكم مره تانيه َ و مش هسبكم تاني ، من بعد ما لاقيت أن محدش هينفعني غير نفسي فقط . شافني مديري اللي كان بيحبني و انا رفضت حبه بسبب حبي ل طليقي و اتفاجئ بيا و ايه اللي رجعني تاني سألني انتي كويسه ؟ قلت له لا . انا مش كويسه . انا ضايعه و حكيت له على اللى حصل معايا كله ، و هو طلب مني انه يساعدني و انا قلت له ان مساعدتك الوحيده ليا هي اني ارجع الشغل تاني و ارجع { كارما على } بتاعت زمان ارجع ل مجدي و شهرتي ، و حب الناس ليا و لصوتي اللي بعتهم ب الرخيص و رميتهم و دفنت أحلامي ، عايزه ارجع { كارما } بتاعت زمان عايزه ارجع ل حقيقتي و لغنايا الراقي و عايزه ارجع ل جمهوري اكتر ناس حبتني َ و قدرتني ، و انا كنت بلاقي نفسي قصدهم . بصراحه الراجل رحب بيا و قف جمبي و قال لي ده اللي كنت بتمناه و كنت بحاول اقنعك بيه لكن انتي كنتي رافضه و مش عايزه . قلت له انا خلاص فوقت و رجعت من تاني ل حياتي من بعد تجربه قاسيه علمتني كتير جدا . اتدربت على الغناء كتير جدا علشان ارجع ل طبيعتي ب التمرين على صوتي . و طول الوقت و الفتره دي كانت بنتي بتيجي تزورني ب العافيه لان مرات ابوها كانت مكرهها فيا و كانت شاغله وقتها ب حاجات حلوه كتير انا كنت حرماها منها ب غباء مني و عدم فهم . زي انها بتوديها تركب خيل و علمتها الرسم و رقص الباليه . انا مش زعلانه من بنتي انا عارفه انها صغيره و مش فاهمه و بكره لما تكبر هتفهم ، كل حاجه ب وقتها احسن . بنتي كانت عندي في يوم و جات معايا و انا بتدرب على الغناء و بباها جه علشان ياخذها و شافني و شوفته هوا اتصدم و قال لي انتي ازاي بقيتي كده ؟ ! و حسيت منه ب نظره من بتوع زمان اللي هو انتي ازاي اتغيرتي و بقيتي كده و ازاي رجعتي زي ما كنتي في الاول . انتي رجعتي كارما اللي حبيتها و اتجوزتها ، قلت له مفيش حاجه بتفضل على حالها حتى انت اتغيرت . و اظن انك عارف انت اتغيرت ازاي و عملت إيه ، قال لي عندك حق استأذن انا لازم اخد البنت و امشي لكن هرجع لك تاني ، مراته عرفت ب مقابلتنا عن طريق بنتي و انا اللي كنت عايزاها تعرف و تدايق و تعيش حاجة من اللي عيشتها لي . كانت هتموت من الغيظ و جات لي الأوبرا بتقول لي انتي بتحاولي تعملي ايه ؟ بتحاولي تخ*في جوزي مني انا عرفاكي على طول بتغيري مني و بتحبي تاخدي اي حاجة في أيدي لكن اطمني هو بيحبني و مش هيسبني زي ما سابك قبل كده احنا في بينا شغل و انا شريكته و لو خسرني هيخسر كل حاجه لكن لما خسرك انتي **ب كل حاجه . قلت لها انتي مريضه و لازم تتعالجي ، اتفضلي امشي من هنا انا مش عايزه اتكلم معاكي و عايزاكي تطمني على الآخر لان جوزي اللي خ*فتيه مني هيرجع لي تاني و هاكون وحشاه جدا . فرحت اني ربيت جواها احساس انه ممكن يرجع لي و انه لسه بيحبني ، مع أن محصلش حاجه لكني فرحت . و انه ممكن يرميها في اي وقت و يرجع لي ، و انا مسبتوش و فضلت اكلمه و يكلمني ل حد ما طلب مني اننا نرجع تاني ل بعض ، و انا قلت له سبني افكر لكن من جوايا عايزه ارجع له انا بحبه و الطريقه اللي سبنا بعض بيها كتير هيناني و لازم ارد كرامتي ، و كلمته و عزمته على أول حفله ليا بعد رجوعي للغناء ، و عرفته مكان الحفله بتاعتي و اللي هي عودتي الغناء لكن بوجود جمهور و ناس كتير ، انا النهارده قدام اختبار كبير و مفيش حل قدامي غير اني أنجح فيه قدام طليقي و بنتي و جمهوري ، اللي بقالي فتره طويله غايبه عنه و لازم اثبت وجودي . طليقي قال لي انه هييجي ومعاه ( لمى ) بنتي و انهم متحمسين جدا للحضور و قال لي كان نفسي تكوني مراتي في الوقت ده . و مراته مراقبه كل حاجه لأنها كانت بتراقبه من شكها فيه انه عايز يرجع لي ، و هتموت من غيظها و لما بتوجهه بيتهرب منها او مبيسمحش لها انها تدخل في حياته او تجيب سيرتي ، و ديما يقول لها اني انا كويسه و انه مشفش مني حاجه وحشه و ان هي اللي فضلت تحاول توقع فيه علشان يتجوزها و يسبني و انه مش غ*ي . و انه ضعف في وقت من الأوقات و انه ندمان ، و هي طبعا من جواها هتموت ازاي تخسر كل حاجه ب سهوله كده . و كانت بتحاول ب كل الطرق انها تطلع من الجوازه دي مش خسرانه كتير ، و تكون **بانه اكتر حاجه تقدر تعملها . جه يوم الحفله َ اخيرا غنيت مره تانيه قدام جمهوري و أبدعت و كلهم صقفوا لي بشده و طليقي و بنتي شفت في عيونهم فرحه مشفتهاش من زمان ، و شفت و لا حسيت ب فخر محستش بيه بقالي مده طويله ، انا ندمانه على حياتي و موهبتي اللي اهملتها سنين و دفنتهم في التراب ، انا فعلا كنت غلطانه في حق نفسي و جوزي و بنتي كان لازم اشتغل على نفسي من زمان و اكون قد مكانه جوزي في المجتمع . جوزي كان عامل ل مراته توكيل ل سبب ما ، يخص شغله غدرت بيه لما لاقته عايز يرجع لي و قالت ، لازم تحرق دمه و تاخد منه الشقه بتاعتنا .. و راح يفتح الباب لقاها مغيره الكالون و بتقول له اطلع برا بيتي هو اتصدم و قال لها بيتك ايه ده بيتي انا ! قالت له روح و عيش جمب الست { كارما } بتعتك روح اشتغل لها طبال ما انت زباله زيها و انا مش هسبكم تتهنو و انا اموت من غيظي امشي من هنا ، ده بيتي و انت بعته لي ب موجب التوكيل اللي انت عامله لي و لا انت نسيت ! ! طليقي و بنتي جم ل عندي و حكو لي على اللى حصل و المره دي محدش هيقف لها غيري و لازم اخد حقي منها المره دي .. طبعا هي فكرت تبيع البيت و تسافر بعيد عن هنا علشان محدش يتعرض ليها و ده من غبائها و مصلحتي انا . و انا عرفت و خططت من بعيد هتصرف ازاي انا عملت نفسي عايزه اشتري البيت و اتنكرت في شكل غير شكلي و روحت و اتفقت معاها و مضينا على عقود البيت لكن من غير ما تاخد بالها مضت على تنازل عن البيت ليا و لما عرفت حقيقتي اتجننت ، و كانت هتموتني لكن انا كنت مبلغه البوليس قبلها ان في حد بيهددني و عايز يتهجم علياا في بيتي ، و البوليس جه و قبض عليها ، و بكده رجع لي جوزي و بنتي و بيتي ب السلامه .. و انا اتعلمت كتير من اللي حصل معايا ده أن مأمنش ل حد يدخل بيتي و لا اني اصاحب اي حد و اخلي في حدود في تعاملي مع الناس و كمان اتعلمت ان شغلي ده هو حاجه مهمه في حياتي و لازم احافظ عليه و ان شكل جوزي في المجتمع من شكلي انا و انا مسؤله عنه و لازم احافظ عليه ... { { دمتم ب خير } }