Hindi lang dahil may mga taong tulad ni Krit.
Kundi dahil napakadaling pagtakpan ng magandang reputasyon ng school ang lahat ng madidilim na nangyayari sa likod nito.
Pagkatapos ng huling klase, mabilis kong isinukbit ang bag ko at dumiretso palabas ng school. Nauna na akong nag-text kay Thorn na magkita kami sa tapat ng convenience store malapit sa kanto. Balak muna naming bumili ng meryenda bago dumiretso sa bahay para mag-practice.
Paglabas ko ng gate, nakita ko na agad siya. Nakatayo siya sa tapat ng salaming pinto ng convenience store, nakasuot pa rin ng uniporme pero wala na ang necktie niya. Nakasukbit lang ang backpack niya sa isang balikat habang tahimik na nakatingin sa cellphone niya.
"Pasensya na, medyo natagalan ako," sabi ko paglapit ko.
Nag-angat siya ng tingin at bahag
