Kanina pa siya tapos sa pagkuwento pero hindi nagsasalita si JJ. Mahigpit na mahigpit ang hawak nito sa kamay niya at ramdam niya ang nagniningas na apoy sa katawan nito dahil sa pinipigilang galit. Marahas din ang paghinga nito at mariing nakapatong ang baba sa balikat niya. Hinawakan niya ang kamay nitong nakapaikot sa baywang niya at pumikit.
"It was the worst nightmare of my life. Hindi ko alam kung paano ko titignan ang sarili ko sa salamin na hindi nandidiri. Everytime I saw myself, I feel so disgusted. And I can't help but to hate my face. 'Pag naliligo ako, mariin kong kinukuskus ang sarili at labi ko hanggang sa magdugo. Gusto ko kasing burahin 'yung bakas niya sa katawan ko. Idagdag pa noon na mas lalo akong hindi pinapansin nina mama at papa. Si Yaya na palaging umaalo sa'kin a
