Chapter 73: Imagination!
Ang bilang ng mga kalaban ni Soren Orlando ay hindi lumalagpas sa sampo. Pito sa kanila na may natamong pinsala ay nasa malayo at ang tatlo namang nasa harapan niya ang kasalukuyang may pinakamaayos na kalagayan. Pero sa kanilang tatlo, namatay agad ang isa sa simpleng suntok na pinakawalan ni Soren Orlando. Higit naman itong mas malakas sa mga pinapakawalan niyang atake kanina, kaso, kung pagbabasehan ang ekspresyon niyang nalulungkot na parang dismayado ay malinaw na hindi pa ito ang pinakamalakas na bersyon ng suntok niya.
Tumingin ang dalawang kaharap niya sa likod nila kung saan tumalsik ang kanilang kasama. Walang humpay ang pagtulo ng dugo sa bibig nito na wari'y hindi pa niya naisuka ang lahat na dapat ilalabas niya noong tinanggap ang suntok nung nabubuh
