Mabilis na nairaos ang kasal nila ni Seb. Tanging ang mga magulang at tig-dalawang sponsors ng magkabilang panig ang naroon sa civil wedding nila na ginanap mismo sa mismong mansyon ng mga Galindo.
Nagkaroon lang din ng kaunting pagtitipon para maiwasan ang kung anumang haka-haka mula sa mga tao. Kanina nga na may ilang sasakyan na dumating sa mansyon, may ilang media na ang nagkakampo sa labas ng mansyon.
"Mom, stop crying," saway ni Keith sa ina na kanina pa iyak nang iyak. Sa inaakto nito, daig pa ang ikinasal eh. "Inaagawan mo ako ng moment niyan, eh!"
Niyakap lang siya nito nang mahigpit saka bumulong sa kanya, "I just can't believe that my only daughter is married already. And you're about to start your own family."
Kumalas siya mula sa pagkakayakap nito, tinitigan
