--------
***Third Person’s POV***
-
Aminado si Hamlet—talagang nababanas na siya.
Kanina pa niya paulit-ulit na tinatawagan ang cellphone ng asawa niya, pero hindi niya ito ma-contact. Diretso sa voicemail. Walang reply sa messages. Kahit seen, wala. Sa bawat tunog ng ringing na napuputol, mas lalong humihigpit ang panga niya habang nakatayo sa loob ng maluwang at elegante niyang opisina, hawak ang phone na para bang gusto na niyang ihagis sa sahig.
Kanina pa niya hinihintay si Bianca.
Alam niyang routine nito ang dumaan kahit isang beses sa isang araw para mag-report tungkol sa mga ganap sa laboratory. Minsan sandali lang, minsan mas matagal—nag-uusap sila tungkol sa research, sa budget, sa mga bagong gamot. Hindi man siya palaging tutok, pero sanay siyang nandiyan si Bianca. Parte
