KABANATA 12
BUONG ORAS ng pag-kain nila roon sa magarang restaurant ay halos hindi makakilos nang komportable si Marceline. Naiilang, nahihiya sa mga taong kasama sa loob at natatakot siyang makabasag ng kahit ano roon. Miski makahulog lang ng kutsara na ang disenyo ay ‘di kataka-takang pangmamahalin talaga!
“So, how was your first day, how was the difficulty of your job for you?” Tanong ni Jackson sa kaharap na dalaga habang hinihiwa ang mamahaling steak sa kaniyang plato.
“Um...” Ang atensyon ay wala sa kausap.
Sa loob-loob ni Marceline ay hindi niya alam kung anong tamang dadamputin sa dami ng kubyertos at kutsilyo sa iba’t ibang sizes ang nakalatag sa magkabilang gilid ng kaniyang puting plato. “Ayos naman, kaya naman ng powers... mababait din kasi ang mga kasamahan ko, nakakatakot
