IKA-21 YUGTO
Hinatiran niya si Chelsey ng mainit na kape, nakaupo ito sa carpeted na sahig habang seryosong nakatutok sa monitor ng laptop.
“Iyang mga mata mo, baka naman masira iyan sa sobrang lapit mo sa monitor,” sabi niya nang makalapit ditto at ilapag ang isang mug na may kape sa mesa.
“Malinaw pa naman ang mga mata ko kaya keri lang,” sagot nito habang nasa monitor pa rin ang tingin. Inaayos nito ang mga kuhang picture ng mga lalaking modelo na kinuhanan nito kanina.
“Keri?” kunot-noong pag-uulit niya sa sinabi nito. Does it mean to carry?
“Keri, ibig sabihin okay lang,” sagot nito.
Tumango-tango siya, sa sobrang kakalugan nito, tiyak na mas marami itong alam na mga imbentong salita.
“Magtatagal ka pa ba diyan?” tanong niya rito.
“Kakasimula ko lang, ’
