"Niel, kumain ka na. Ipinagluto na kita ng paborito mong adobong baboy na tuyo. Talagang naging sarsa na ang sabaw niya..." nakangiting wika ni Lyn.
"Salamat," tipid na sambit ni Niel bago itinuon ang tingin sa pagkain.
Masarap magluto si Lyn kaya hindi na siya magtataka kung masarap ang pagkaing nakahain sa kaniya ngayon. Unang subo pa lang niya, napapikit na siya sa sarap. Ganitong luto ng adobong baboy ang gusto niya. Iyong magmamantika at sarsa na ang sabaw. Tuyong adobo ika nga. Ayaw niya ng masabaw.
"Kumusta? Nagustuhan mo ba?" tanong ni Lyn sa kaniya.
Nag- thumbs up siya sabay ngiti. "Oo sobra. Ang sarap. Kahit kailan hindi talaga nagbago ang galing mo sa pagluluto. The best ka talaga," ani Niel bago bumilis na ang pagsubo ng pagkain.
Pinagmasdan ni Lyn si Niel. Tinging puno n
