"Kumain ka na, Niel. Nagluto na ako ng pagkain para sa iyo. Paborito mo ito," nakangiting bungad ni Lyn sa kaniya.
Matalim niyang tinititigan si Lyn. "Kumain ka kung gusto mong kumain! Sinabi ko bang ipagluto mo ako? May sinabi ba ako sa iyo sa text o nag - message ba ako sa iyo? Bakit nag- abala ka pa? Ubusin mo iyan hangga't gusto mo!" sigaw niya na ikinagulat ni Lyn.
Nangilabot si Lyn sa itsura ni Niel. Pakiramdam niya, bumabalik na ang Niel na tarantadong nakilala niya noon. Akala pa naman niya tuloy - tuloy na ang pagbabago nito. Kahit na tarantado si Niel noon, hindi siya umalis sa tabi nito. Hindi niya iniwan si Niel kahit na sinasabihan siya noon ng mga kaibigan niya na marami pa namang lalaki diyan. Sobrang mahal niya si Niel kaya bingi siya sa sabihin ng ibang tao.
"W- Wala ka
