Araya
Dinala niya ako sa pinaka magarang restaurant. Sa sinasabi niyang resort na nakapangalan sa akin. Napakapresko ng hangin rito. Ang desinyo ng bawat mesa at upuan ay napakaelegante tingnan. Mga wooden lahat na para bang may varnish dahil kumikinang pa ito.
Pagpasok pa lang namin ay sinalubong na kami ng isang 'di katandaan na babae. Nakasuot ng black skirt at white longsleeve.
" Hello po sir, welcome." Nakangiting bati sa amin ng babae.
Napahinto ako nang biglang huminto sa paghakbang si James. Hawak-hawak pa niya ang mga kamay ko.
"Hi, Sally. This is my wife, Araya Belle, the owner of this resort." Nakangiting pakilala niya sa akin.
Tumingin naman sa akin si Sally na nakangiti pa rin hanggang ngayon.
" Hello po ma'am, masaya po akong nakilala ka." Sabay tango pa sa akin.
