LEVI MONDIGO
Hindi ako makatulog.
Paulit-ulit na bumabalik sa isip ko ang mga ngiti ni Mayenn, ang paraan ng pagtingin niya sa akin. Ang malambot niyang labi noong halikan ko siya, hindi ko maiwasan na hawakan ang labi ko na parang dinadama ko ang labi niya. Kung may makakakita lang sa akin, baka isipin na nababaliw na ako. Kahit anong paling ng ulo ko at pikit ng mata ko ay hindi talaga ako dalawin ng antok. Hanggang sa sumuko na ako at sa huli ay naisip ko na lang tumayo.
Bumangon ako at lumabas papuntang veranda, dala ang isang baso ng alak. Tahimik ang gabi, presko ang hangin, at malinaw ang langit na punong-puno ng bituin. Doon ako sumandal sa railing, marahang iniikot ang laman ng baso.
“Girlfriend ko na siya…” bulong ko sa sarili ko, hindi pa rin ako makapaniwala. Sa tagal ko s
