MAYENN BLAIRE DE VERA
Unang gabi ko dito sa bahay na tinitirhan ko, natatakot pa rin ako pero pilit kong nilalabanan.
Kakatapos ko lang kumain ng hapunan, binigyan na lang ako nila Mang lando ng kanin at ulam dahil tamad na akong magluto ng pagkain ko.
Bukas, pagkagaling ko sa pag aapply ng trabaho at didiretso na ako sa grocery at palengke para mamili ng stocks ko na pwedeng iluto. Tamang tama naman at may Ref na sa bahay na tinitirahan ko kaya hindi ako mahihirapan sa pag iimbak ng pagkain.
Habang gumagawa ako ng resume ko sa aking laptop ay parang may taong nakamasid sa akin. Kapag naman lilingon ako ay wala naman akong makikita.
Winalang bahala ko na lang ang mga naririnig ko, pinagpatuloy ko ang pagta-type ng resume ako at saka ko nilabas ang portable printer na dala-dala ko.
