CHAPTER 6
BRIELLE’S POV
Wala akong naging tulog sa lumipas na magdamag dahil sa pagbabantay na ginawa ko kay Sir Archie. Medyo mataas pa ang lagnat niya kaya nagtiyaga akong punasan siya ng basang bimpo para bumaba ang kaniyang lagnat.
Sa awa naman ng Diyos ay halos sinat na lang ito nang tingnan kong muli ang temperature niya.
Tumingin ako sa orasang nakasabit sa pader.
“Five in the morning na pala.”
Bumuntonghininga muna ako bago tiningnan ang boss kong mahimbing pa ring natutulog. Napailing na lamang ako habang nakamasid sa kaniya. Para kasing hindi nagkasakit ang mokong.
“Hmm, ang guwapo mo kapag tulog ka! Pero kapag gising ka ay nagiging kapre ka sa paningin ko. Palagi ka kasing nakasimangot at naninigaw. Daig mo pa ang babaeng may dalaw. Sana palagi ka na lang tulog o kaya ay
