Maaga palang nakaabang na si Zach sa gate. Para kumustahin ang grupo ni Zendy. Una niyang namataan sina Ash at Brenda na noo'y magkasunod na bumaba sa iisang sasakyan.
"Ano? Nakapag-decide na ba kayo?" bungad niya nang harangin niya ang mga ito.
"Oo. Kami na mismo ang pupunta kay Dean. Isusumbong namin si Zendy," ani Ash.
Napangiti si Zach. "Ang bilis niyo naman yatang nakapagdesisyon. Iisa lang ba ang napagkasunduan niyo nila Shane at Donna?"
"Oo. Sila na ang bahala kay Zendy."
"So, wala pa'ng alam si Zendy tungkol dito?"
Umiling ang dalawa. "Wala pa," ani Brenda.
Napailing na lang si Zach. Para kasing hindi naman nahirapan magdesisyon ang mga ito. Kawawang Zendy. Hindi nakatagpo ng mga totoong kaibigan. Akala pa naman ni Zach may maninindigan para kay Zendy. Pero taliwas ang nangy
