ISANG lalaki ang kanina pa nakamasid kina Faith at Benedict sa hindi kalayuan habang kumakain ang mga ito ng almusal. Simula ng dumating sa Maldives ang bagong kasal ay nakasunod na siya sa mga ito ng palihim at hindi namamalayan ng mga ito. Isang beses ay nakasalubong niya ang mga ito at halata ang kasiyahan sa dalawa. Kasiyahan na malapit nang masira dahil sa gagawin niya…
Pangalawang araw na nina Faith at Benedict dito sa Maldives at ganoon din siya. Hanggang ngayon ay hindi pa siya makapaniwala na nandito siya sa napakagandang lugar ng Maldives. Kahit sa panaginip ay hindi niya inisip na makakarating siya sa ganitong uri ng lugar. Bukod sa malayo ay hindi pa kaya ng pera niya kung sa sariling bulsa niya iyon kukunin. Pero dahil sa siya ay napag-utusan ng isang tao ay nagkaroon n
