Chapter 20
“Ano ang ibig mong sabihin, dad?” tanong ni Alex sa kaniyang ama.
Narito sila ngayon sa isang silid sa gusali kung saan dinala si Robin. Simula nang mangyari ang araw na iyon, kung saan inatake ng black wizards si Robin at nawalan ng malay dahil sa lason hindi na nila nilisan ang lugar kung nasaan ito.
“Hermiliah.”
Tawag ng kaniyang ama sa pangalan ng kaniyang nakababata, si Hermiliah ay isa sa anak ng may pinakamataas na posisyon sa mga bampira. Ang ama ni Hermi ay kaibigan ng kaniyang ama. Simula nang magkaroon siya ng kaalaman ay kilala na niya si Hermiliah.
Nagkaroon sila noon nito ng malapit na samahan, ngunit nang tumagal-tagal ay dumistansya na siya rito at sa lahat ng mga nasa vampire haven. Nang mapansin rin niya na nagiging malapit na sila ni Hermi ay inilayo
