Chapter 57
“We don’t need you to come with us, Khia. Sino baa ng may sabi na kailangan ka namin?”
Iritado ang boses ni Alex, nilingon ito ni Robin dahil sa narinig niya. Kasabay kasi ni Alex na naglalakad si Daemon at si Khia naman ay nakakapit sa kaniyang braso. Napakamot siya sa kaniyang batok nang makita ang salubong na mga kilay ni Alex. Nang ibinalik niya ang paningin kay Khia ay nakahilig na ito sa kaniya ngayon at nakangiti.
“Naiinis na naman ang pinsan mo.” Sabi niya kay Khia.
Napangiti si Robin nang mas humigpit ang kapit ni Khia sa kaniyang braso.
“Hayaan mo siya, iyon nga ang goal ko ang inisin siya. Buti nga hindi pa iyan bumabalik ng zone 3 eh, naiinis ako sa kaniya nang pumayag siyang gamitin si Hermi. Ngayon hindi ko hahayaan na masolo ka niya talaga!” sabi ni Khia.
