Chapter 32
Nais ni Robin na si Alex mismo ang kusang makaalala sa kaniya dahil sa mga nangyari. Desisyon niya na huwag ipaalam dito na gising na siya upang malaman niya kung talagang babalikan pa siya ni Alex pagkatapos ng pagsasalin dito ng titulo. Hindi niya nais na magduda at hindi magtiwala ngunit dahil sa pag-iisang dibdib ni Alex at Hermiliah hindi niya maiwasan mag-isip ng kung ano-ano.
Isang araw na ang nakalilipas simula nang muli siyang magising. Hindi siya iniiwan ni Khia, narito lamang ito palagi sa tabi niya. Ang mga diwata rin ay palaging nariyan at pari na si Jackson at Maxis. Nagpadala rin si Jackson ng mga lobo upang bantayan ang paligid ng gusali ng mga diwata upang masigurado ang kaniyang kaligtasan.
Nakikita niya ang pag-aalala sa mukha ng mga nilalang na kasama
