Chapter 46
Kinakabahan si Robin, patingin-tingin siya ngayon sa katabi na si Alex, hawak man nito ang kamay niya ngunit hindi niyon nababawasan ang kaba na nararamdaman niya ngayon. Alam niyang mamaya ay magtatalo sila ni Alex tungkol sa kaniyang desisyon na huwag ipaalam dito na gising na siya.
Ano ba kasing pumasok sa isip mo, Robin at nagpadalos-dalos ka?!
Kastigo ni Robin sa sarili. Ayaw man niyang aminin ngunit natakot siya na baka hindi na bumalik si Alex sa kaniya nang marinig niya kay Alejandro na si Hermiliah at ito ay magkasama at naging isang ang mga ito. Ginamit ni Alex si Hermiliah upang maisalin dito ang titulo ng pagiging hari ng mga bampira.
At wala ako, ano nga ba ang karapatan kong mainis? Ano ang karapatan kong magdesisyon na huwag ipaalam sa kaniya kung ang nais
