MY NINONG, MY LOVER

CHAPTER 12

TROY POV

Pawisan ang noo ko kahit na malamig dito sa loob ng bar. Hindi ko alam kung paano ko sasagutin ang tanong niyang ito sa akin.

"Kapag hindi ka sumagot, hahalikan kita sa pisngi," dugtong niya pa.

"Lalaki po ako," matapang na sagot ko kahit na medyo pumiyok ako.

Natawa na naman siya na parang nang aasar. Mas lalo siyang naging gwapo sa paningin ko pero nakaka insulto lang siya.

"Bahala na po kayo kung anong gusto ninyong paniwalaan. Basta ako, alam ko po sa sarili ko na totoong lalaki ako sir George."

Tinabi niya ang tequilla na iniinom ko at nanghingi ng baso sa waiter.

"Tulungan mo akong ubusin itong long neck. Lalasingin kita hanggang sa ilabas mo ang katotohanan sa akin."

"Hindi naman po kita kakilala kaya ayos lang sa aking kung ano ang iniisip ninyo."

Tinagayan niya akong bigla, "Sige inom, tingnan natin kung hanggang saan ka dadalhin ng pagsisinungaling mo sa akin. Ganito ang iniinom ng mga totoong lalaki."

Matapang kong kinuha ang kalahating basong alak at uminom. Siguro naman ay sapat na ito para tantanan niya ako. Uminom kaming dalawa ng uminom pero nakaka tatlong baso pa lang ako pero ramdam ko na ang matinding pagkahilo ko.

Siguro ay kailangan ko nang umuwi. Ngayon lang ako nakaramdam ng ganitong klase ng kalasingan. Napasandal pa nga ako sa kanyang balikat.

"Tara na, iuuwi na kita sa inyo," bulong pa nito, ramdam ko ang mainit na hininga niya sa aking tainga.

"Hindi po, uuwi akong mag isa," sambit ko pa.

Pinilit kong maglakad hanggang sa makarating ako sa labas. Ngunit nahilo talaga ako at bumagsak pero mayroong sumalo sa akin. Pilitin ko mang idilat ang mga mata ko, subalit hindi ko maaninag ang mukha ng tumulong sa akin dahil madilim.

---------------------------------

---------------------------------

GEORGE POV

Mabuti na lamang at nasala ko si itong si Troy bago pa ito bumagsak dahil sa kalasingan. Balak ko sana siyang iuwi sa kanila kaya lang ay baka kung ano pa isipin ng mga ito sa akin. Kaya naman, habang nandito ako sa Manila, iuuwi ko muna itong si Troy sa condo unit ko.

Sinakay ko siya sa likod ng aking sasakyan. At pagkatapos ay umalis kami kaagad sa bar. Babae sana ang gusto kong ma pick up sa lugar na ito pero ayos na rin kung si Troy ang makukuha ko. Sa mga tingin pa lang niya sa akin, alam na alam ko nang type niya rin ako.

Biglang nag ring ang cellphone ko sa bulsa. Medyo mabagal naman ang daloy ng trapiko kaya sinagot ko na ang tawag ni Audrey.

"Hello Ninong?"

"Oh kamusta ka Audrey? Na miss mo ba ako hehe?" sagot ko habang naka loud speaker ang cellphone ko.

"Oo naman. Kailan po ba kayo uuwi?"

"Relax ka lang. Sabi ko naman sayo, bukas na bukas ako uuwi. Hindi mo na ako kailangan sunduin pa. Ang gusto ko lang ay mag pahinga kang maigi jan. Basta may importanteng bagay lamang akong aasikasuhin pagkatapos ay babalik na ako jan."

"Sige po Ninong. Basta yung pasalubong ko wag ninyong kalimutan ha."

"Akong bahala sayo Audrey. May isang salita naman ako eh. Sige na, nag mamaneho kasi ako ng sasakyan ngayon. Next time ka na lang tumawag sa akin. Oh di kaya, ako na lang ang tatawag sayo."

"Wala pong problema Ninong. Ingat ka po."

"Okay, pag uwi ko jan, alam mo na ung ano ang susunod nating gagawin."

Pinatayan na ako ni Audrey ng tawag at nagpatuloy naman ako sa aking pagmamaneho. 30 minutes din ang naging biyahe ko bago ako makarating sa condo unit ko. Nakakapagod magmaneho ng sobrang trapik. Sobrang sakit nito sa mga paa. Pero nang makita ko si Troy na mahimbing na natutulog sa likod, naisip ko na kahit papaano ay worth it naman ang pagod ko.

Tinawag ko yung guard sa parking lot at nanghingi ako ng tulong sa kanya para tulungan akong iakyat itong si Troy sa ika apat na palapag dahil mayroon siyang kabigayan. Pag akyat namin, nilapag namin itong lasing na binata sa malambot na kama ko at tsaka ako nagbigay ng 100 pesos sa guard.

Sinarado ko ang pintuan at nag timpla ako ng kape para mawala ang amats ko. One bedroom lang ang condo na nirerentahan ko pero kasyang kasya na naman ako at mga gamit ko. Pag balik ko naman sa kwarto ko, nagulat na lamang ako ng makita ko si Troy na naka upo sa kama. Nakatingin siya sa akin at wala siyang saplot sa itaas na bahagi ng kanyang katawan.

Nakangiti akong lumapit sa kanya at nagdesisyon ako na ibigay na lamang sa kanya ang kapeng tinimpla ko.

"Inumin mo 'to. Para sayo yan."

Tumingin muna siya sa paligid bago nito muling ibinaling ang tingin sa akin.

"Nasaan po ako?" tanong niya.

Nilapag ko muna sa lamesa sa gilid ng kama ang kape at tsaka ko siya sinagot, "Troy, nandito ka sa condo unit ko. Kasi sobrang lasing mo kanina kaya hindi mo na sinabi sa akin kung ano ang address ng bahay mo kaya minabuti ko na lamang na dito ka muna patuluyin sa loob," pagsisinungaling ko sa kanya.

Kinuha niya ang kape niya at tsaka ito uminom. Mukhang nasarapan naman siya sa black coffee na tinimpla ko. Pinagpapawisan siya habang inuunti unti niyang hinihigop ang kape. Pero takaw pansin din sa akin ang abs niya. Sa tingin ko ay sobrang active siya sa gym kaya naging ganito ang hubog ng kanyang katawan.

Nang ilapag niya ang kapeng naubos niya ay nagtanong ako, "Ang ganda pala ng katawan mo iho. Sigurado ako na active ka sa gym. Tama ba?"

Nilagay niya ang mga kamay niya sa kanyang ulo at nakita ko ang kaunting buhok sa kanyang mga kili kili.

"Isa po akong athlete sa swimming namin sa school," sambit niya sabay hawak sa kanyang ulo, "Medyo nahihilo pa rin po ako."

Na attemp na rin akong maghubad ng damit ko. Hindi man nito kasing ganda ng katawan niya, kahit papaano naman ay may iba rin akong maipagmamalaki. Tumabi ako sa kanya at pinalupot ko sa kanyang leeg ang machong braso ko.