Ilang araw pa ang nakalipas bago makapunta si Chino sa bahay ng mga magulang ni Althea. Naging maramot ang pagkakataon sa kaniya nitong nakaraang mga araw, dahil sunod-sunod ang biglaang activities niya sa kaniyang eskuwela. Idagdag pang muling nabuhay ang mga kamag-anak niyang mukhang pera. Kung paano siya natunton ng mga ito ay hindi niya alam.
FLASHBACK...
Malapit na si Chino sa CasaVielle Condominium, kung saan siya naninirahan, nang mamataan niya ang tila nagwawala niyang tiya sa labas ng kanilang condo. Kasama nito ang tiyuhin niyang himalang hindi nakainom nang mga sandaling ito.
“Bawal nga pong pumasok ang hindi residente ng condominium, at walang pahintulot nang may-ari ng unit,” narinig niyang saad ng guwardiya sa kaniyang tiya.
“Anong bawal-bawal? Diyan nga nakatira ang pa
