15
sa paghawi ng tabing
Nang malaman ng aking kuya na halos bulag na ang aking kaliwang mata’y di na niya ako tinantanan hanggang hindi ako nagpatingin sa kaibigan niyang doktor sa mata. Nagpakonsulta nga ako sa
kaibigan niyang si Dr. Tiongson. Ayon dito, kailangang maaoperahan ako sa lalong madaling panahon. Kung hindi, tuluyan akong mabubulag.
“Ang bakante po naming room ay P1,650 a day, may telepono, may TV at ref,” sabi ng klerk ng ospital na pinagabutan ko ng admission slip.
Papayag na sana ako dahil sabi ni Dr. Tiongson: dalawang araw lang ako sa ospital. Ngunit naalaala ko na baka sumunod sa presyo ng kuwarto ang presyo ng gamot, doktor, laboratory tests at iba
pa.
“Wala ba kayong mas mababa?”
“Mayroon po, may TV lang, walang ref, P750 po.”
“Sige, ’yon na lang.”
Nagbayad a
