17
sinagip na kaluluwa
“Labintatlong malalaking daga na ang ating nahuhuli,” sabi ko sa aking mga anak. “Ngayon, ang haharapin ko’y mga bubuwit.”
Naglagay ako ng fly paper sa iba’t ibang panig ng aming bahay. Sa ilalim ng refrigerator, mesang kainan, lalagyan ng mga plato at kaserola. Sa ibabaw ng kalan. Sa may basurahan. At
sa may nakasalansang diyaryo at libro. Inilagay ko sa gitna ng fly paper ang pain kong tinapay.
Kinagabihan, habang nagsusulat, narinig ko ang paswit ng mga nadikit na bubuwit. Isa-isa kong tiningnan ang inilatag kong fly paper. Naki-usyoso ang aking mga anak. May napagkit na
isa-dalawa sa bawat piraso ng fly paper.
“Itapon na natin,” payo ng pangalawa.
“Huwag muna,” saway ko. “Gusto kong malaman kung may natitira pang malaking daga. Kung mayroon, ililigtas nil
