19
hindi makahuli ng tutubi
Di lang pala ako paslit na di pansin ng ina—ako pa rin iyong batang mapanghi na umiihi sa banig kaya’t hindi makahuli ng tutubi. Nabulabog ang aking hinuhuli nang maalala kong aalis
nga pala ang umuupa sa aming bahay sa Fairview at tatlong buwan na lang kami puwedeng manatili sa bahay sa kampus. Wala na kaming karapatang tumira rito nang yumao ang aking kabiyak na isang
propesor sa unibersidad. Maabala ng paglilipat ang aking pagsusulat. Baka magulo at mawala ang mga sinulat ni Carlos lalo na yaong nasa pahina lang ng gamit nang papel.
Lumabas ako. Natawag ang aking pansin ng pusang kagampan na humahanap ng masisilungan. Lumakad itong nag-iinat ngunit hindi naghihikab pagkunwa’y tumigil sa may puno ng niyog. Bale
ba’y mahangin—kung kaya’t ang malapad at hi
