21
ubos na ang reserba
Habang pinanood namin sa telebisyon ng aking mga anak ang ginagawang impeachment trial kay Pangulong Estrada, nirirepaso ko ang nobelang itinuturing kong talambuhay. Hanggang sa mapatalsik na si
Erap, nirerepaso ko pa rin ito. Natuwa naman ako na sumama sa protesta, na binansagang EDSA Dos, ang bunsong lalaki. Malamang, sumama rin ang panganay at si Lope. Pati na ang pangatlo—sa
kabila nang hindi na nito alam kung saan ilalagay ang sarili. Bukod sa mayroon siyang maliit na anak, nag-aaral pa siya ng medisina. Lalo akong natuwa nang sumama rin si Dave, ang kaniyang asawa,
gayong galing pa ito sa kanilang planta sa Cavite. Nagsuot sila ng itim (na siyang kulay ng protesta) at nagpunta sa EDSA. Nasa kamay na ng aking mga bunga ang pisikal na pakikisangkot sa pagbab
