#BYAHBook3_ThisTime
EPISODE 75
Humahampas ang malamig na simoy ng hangin sa kanilang mga balat. Namamayani ang katahimikan habang lahat sila’y nakatingin sa pababang kabaong ni Howard sa lupa habang patuloy na dinadasalan ito ng pari. May lumuluha pero karamihan ay mababakas ang kalungkutan sa mukha.
Hindi karamihan ang taong nakipaglibing. Pawang mga kakilala at kaibigan ni Howard ang naroon na hanggang ngayon ay nagugulat dahil na rin sa biglaan nilang nalaman na buhay pa pala ito at ngayon ay ililibing na naman dahil sa patay na namang itong muli.
Pilit na pinapakalma ni Tristan ang umiiyak na si Gale. Kahit kailan talaga ay napakababaw ng luha nito kahit na matapang ang panlabas na anyo nito.
Nakatayo naman sa tabi nila si Kameon at Khiro. Nakatingin si Kameo
