#BYAHBook3_ThisTime
EPISODE 51
Nakaupo sila sa isang pang-apatang mesa na nasa gitnang bahagi ng loob ng isang restaurant. Magkatabing nakaupo sa kanan sila Kameon at Khiro habang nasa kaliwa naman si Tristan at Gale.
Titig na titig si Gale kay Khiro. Mababakas sa mukha nito ang hindi makapaniwalang ekspresyon. Si Tristan naman, kahit na ito na ang ikalawang beses na nakita niya si Khiro ay hindi pa rin nito maiwasang hindi magulat.
Mababanaag naman ang pagtataka sa mukha ni Khiro habang nakatingin sa dalawang taong nasa harapan nila ni Kameon. Hindi niya kasi kilala ang mga ito pero parang namumukhaan niya ang lalaki. Parang nakita na niya kasi ito kung saan.
“Hindi talaga ako makapaniwala na buhay ka Khiro…” sabi ni Gale na hindi maialis ang tingin kay Khiro.
