PASULYAP-SULYAP si Bettina sa dalawang maleta na nasa tabi ng mesa niya habang naglilipat siya ng mga files mula sa desktop patungo sa hardrive. Kahapon ay iyong appointment naman ng boss niya ang kanyang inayos saka mga maiiwang gamit sa mesa niya. Pati ang pantry at mga office supplies ay siniguro niyang nasa ayos para hindi mahirapan kung sino man ang papalit sa puwesto niya.
Iyong ginagawa niya ngayon na paglilipat ng mga files ang pinakahuling gagawin niya ngayong araw. Pagkatapos nito ay nakaayos na ang lahat ng iiwan niyang trabaho sa opisina ng AN.
Napa-buntunghininga siya at pinunasan ang gilid ng kanyang mga mata. Kahapon pa siya emosyonal nang i-anunsiyo ng boss niya na kailangan na niyang umalis. Binigyan pa siya nito ng pagkakataong pumili kung ano ang gusto niya.
Kung siya
