“BAKIT mo ako hinalikan, ha?” Akmang sasampalin ni Bettina si Raiden ngunit mabilis na nahawakan ng binata ang palapulsuan niya.
“Nakarami ka na ng sampal sa akin, Miss Lantano. Huwag mo nang dagdagan pa. Isa pa’y kasalanan mo rin naman. Ikaw itong nauna. Sino ang nagbigay sa iyo ng permiso na hawakan mo ang katawan ko? Wala tayo sa kama para gawin mo iyon,” seryosong sabi ni Raiden.
Napakurap si Bettina. Ang dumi talaga nang iniisip ng lalaking ito. “Excuse me, Mr. Antigua! Pinupunasan ko lang naman ang likod mo dahil marumi. Wala akong masamang intensyon sa iyo.”
“Talaga? Sigurado ka sa sinasabi mo?”
Inirapan ni Bettina si Raiden saka niya pinilit na hinila ang kamay mula rito. “Bahala ka na nga sa buhay mo! Hindi naman ako ang nanakit sa iyo kaya pakialam ko kung masaktan ka. Kung h
