PAUWI na dapat si Bettina ng hapon na iyon nang mapansin niyang lumapit sa kanya ang kanyang boss.
“May kailangan po ba kayo, Sir?” usisa niya rito.
“Miss Lantano, what’s the date today?”
Bahagyang tumaas ang kilay niya sa tanong ng kanyang boss. “It’s the sixth of December, Sir.”
“So, kung December six ngayon, dapat uuwi na siya,” ani Railey habang nagkakamot ng batok nito.
Napakunot ang noo ni Bettina sa sinabi nito. “Sino po ang uuwi ngayon, Sir?”
“Si Vivienne. Dapat uuwi na siya ngayon kasi three days lang naman siya sa Shipyard. Hindi naman siya maaaring magtagal doon,” tugon ng boss niya.
Hindi agad nakaimik si Bettina. Alam niyang umalis si Miss Landagora tatlong araw na ang nakaraan para sa isang field work. Pero ngayon lang niya nalaman na sa Subic pala ito nagpunta kung
