NAGISING si Bettina ng umagang iyon na masakit ang buong katawan niya. Nang lingunin niya ang kanyang katabi ay tulog na tulog pa rin si Raiden. Nakadapa ito at ang mukha ay nakaharap sa kanya.
Ang guwapo talaga nito kahit tulog. Napakaamo din ng mukha nito na akala mo ay hindi makabasag ng pinggan. Pero ang totoo ay loko-loko pala ito.
Nang subukan ni Bettina na tumagilid ay muntik na siyang mapahiyaw dahil lalong sumakit ang nasa pagitan ng hita niya.
Nakasimangot na nilingon niya si Raiden. Buwisit kasi ang asawa niyang mahilig. Hindi niya inakala na totohanin pala nito ang pagbabanta sa kanya. Problema niya ngayon kung paano siya babangon at maglalakad dahil sa sakit na nararamdaman niya.
Akmang hahampasin niya ang likod ni Raiden nang bigla itong gumalaw at tumihaya. Dumausdos
