PATINGIN-TINGIN si Bettina sa lahat ng sulok ng kuwartong inuokupa niya. Kagabi pa niya ginagawa iyon mula nang sabihin kahapon ni Raiden na may CCTV camera sa kuwarto niya pero wala talaga siyang makitang camera sa loob.
Peste ang lalaking iyon, ah! Ganoon na ba katindi ang kasalanan niya rito na pati sariling kuwarto na ginagamit niya ay nilagyan nito ng surveillance camera? Iniisip ba nito na lahat ng oras ay may ginagawa siyang mali? Malamang iyong camera na nasa loob ng kuwarto ay naka-install na bago pa man ipagamit sa kanya. Parang naplano na talaga ang pagpunta niya roon.
Napakamot siya ng ulo saka napailing. Mula ngayon ay hindi na siya magbibihis sa loob ng kuwarto. Doon na lang siya sa banyo.
Dinampot niya ng kanyang bihisan at tuwalya na nasa ibabaw ng kanyang kama saka p
