“RELAX, Bea. Bakit ka ba kinakabahan? Hindi naman ito ang unang pagkakataon na magkikita kayo ni Mama. Magkakilala na kayo, ah. Kaya bakit ka pa ninenerbiyos na makaharap siya,” ani Raiden habang iginigiya nito si Bettina papasok sa kanilang mansyon.
“Iyon na nga ang problema, eh. Kilala ako ng Mama mo. Kaya mag-iisip talaga siya ng iba tungkol sa akin. Sekretarya lang ako dati ng kapatid bago mo ako naging receptionist. Tapos ngayon sasabihin mo sa iyong Mama na magpapakasal tayo. Ano na lang kaya ang magiging rekasyon niya?” nag-aalalang saad ni Bettina.
“Siyempre, matutuwa siya. Imagine, iyong playboy niyang anak ay magseseryoso na sa babae. Pasasalamatan ka niya nang malaki dahil napagbago mo ako,” nakangiting wika ni Raiden.
Matipid na ngumiti si Bettina. “Sana nga ay gano’n ang ma
